2004 kum a Super Bowl XXXVIII kha Super Bowl history a chhinchhiah reng a ni tawh ang. Khami ṭum khan star lar ber ber Britney Spears, Kid Rock, Nelly, P. Diddy, Justin Timberlake te leh Janet Jackson-i te an in lan a. Justin Timberlake-an a single hla “Rock your body” a sak laiin Janet Jackson-i hnute funna kawr hma lam chu a tih thler sak a, thlirtu mipui maktaduai 140 chuang hma ah Janet Jackson-i hnute chu a lang ta huai mai a ni.
Live a en ve hman lo, thil thlen lai video en leh chak mi tam tak in google ah chu video chu an zawng ta sup sup mai a, a hunlaiin google a zawn hlawh ber a ni hial. Chutiang a Jackson – i tete hmu chak, hmu ve hman lo zing ah chuan PayPal a thawk lai Jawed Karim pawh a tel ve a. Ani hian kha show ropui leh sawi hlawh kha a hmu ve hman lo tlat mai a, mi in video an post zung zung theihna site eng emaw tak a awm a ṭul tih a hmu chhuak ta a ni. A ṭhian te, Steve Chen leh Chad Hurley te nen chuan video post theihna tur software siam chu an buaipui ta a, an thil siam chhuah hi kan hman tangkai êm êm Youtube hi a lo ni ta a ni.
Youtube launch a nih phata zawn hlawh ber chu eng dang nilovin Jackson-i tete video bawk chu ani leh a. Kum a ral a, Google chuan a ṭangkaizia hria in $ 1.5 billion lai in Youtube chu a leichhawng ta ani.