Barcelona star Gerrard Pique chuan interview a cancel thu a sawi a, a chhan pawh Xavi Hernandez rules thar pakhat bawhchhiat a duh loh vang niin a sawi.
Pique chuan Spanish show pakhat El Hormiguero nena interview an neih tur hun chu a sawn hla a, mahse, a hnuah interview neih tur chu a cancel ta a ni. Hei hi Barcelona in kar hmasa lama manager thar an lak luh tak Xaxi’an Camp Nou a pan hnua thil thleng a ni.
Spanish defender Gerrard Pique chuan khawihmunah pawh an zin dawn chuan manager hriattir hmasak phawt tur tiin a sawi a, hei vang hian interview a neih tur pawh a cancel thu a sawi.
“Mi te hian ngaihdan an nei ve theuhva, a chhan chu media te hian mipui te hriat duh tak sawi kha an duh.” tiin Pique chuan Twitch streamer Ibai Llanos a hrilh niin Marca chuan an tarlang.
“El Horminguero-a thil thleng history hi an hriat ngei ka ring, mahse, Xavi hian a hre lo, hei vang hian El Hormiguero chu ka cancel ta a ni.”
“Xavi hnenah hrilhfiah ka duh, hei hi El Hormiguero a ni tiin, eng chungchang nge ka sawi tih pawh hi a hrethiam lovang.
“Ka hrilhfiah ang, a dik a ni. Mahse, cancel ka duh avangin ka cancel. A chhan chu Xavi hian rules thar pakhat a siam a, chu chu kan zin chhuah dawn apiangin amah chu hrilh hriat hmasak phawt a ngai a ni, kei chuan permission lak kher a ngaiin ka hrelo.” tiin Pique chuan a sawi.
Source SL