Xavi’an Barca senior star te message a thawn!

FC Barcelona manager Xavi Hernandez chuan La liga lama point an hlawh tur ang an hlawh chhuah theih loh hnu khan a senior player te chu tang deuh turin a duh.

Tun season khelh mekah Catalan club lian FC Barcelona hi an che tha lo em em a, La Liga table-ah an elpui ber Real Madrid chu point 18 lai maiin an pha tawh lo a ni. Pathianni inkhelhah Osasuna chu 2-2 in an draw pui a, point khat chiah an hlawhchhuak.

Nico Gonzalez leh Ez Abde hian Catalan tan an pet goal a, mahse, hnehna erawh an chan pui theilo.

Kar tlemte liamta vel atangin FC Barcelona rawlthar te an che tha hle a, hei vang hian Xavi erawh a hlim.

“Abde, Gavi leh Nico te hi an tha tak zet. Hun harsa tak karah pawh team an tanpui thei a ni.” tiin Xavi chuan post match press conference ah a sawi niin Marca lamin an tarlang.

“Heng rawlthar te hian hun harsa tak karah pawh thil an ti danglam thei tlat.”

“Chet that chang leh chet chhiat chang annei thei, a chhan chu englai pawhin tha takin perform thei reng lo, an la naupang rih a ni.”

“Rinchhan theih an la ni lo, players dang te hi in chet that a ngai. Tupawh mai hi che tha vek turin kan duh a ni.” tiin Barcelona boss Xavi chuan a senior player te thu a thawn.

Source SL

Related Posts

error: Content is protected !!