Barcelona manager Xavi Hernandez an Manchester United midfielder Bruno Fernandes chu ‘Portuguese pa!’ tia a koh avangin Red Devils fans te an thimrim hle a, 2nd leg an khelh hunah Xavi an Bruno Fernandes hming a theihnghilh tawh loh nan Portuguese playmaker hian goal khung ngei se an duh.
Europa League play off 2nd leg match khelh hmaa press conference a neih tumin Xavi hian Erik Ten Hag hnuaia Man Utd player te hmasawn dan chungchang a sawi a, a tawngkam pakhat vangin erawh Man Utd fans te an lawm lo hle ni tur a ni.
Xavi chuan hetiang hian Ten Hag chungchang a sawichhuak, “Ten Hag hian team tha tak a din a, player te an that dan ber in a chhuah bawk, chu chuan a (Ten hag) that zia a hril chiang viau awm e. Tactic ang zawnga a that piahlamah dressing room a team kaihhruai dan pawh a thiam hle bawk” a ti.
Barca boss chuan sawi chhunzawmin,” A player te talent hi a haichhuak tha hle a, Sancho, Rashford, Portuguese pa (Bruno Fernandes) te atangin in hmu thei ang. Tin, tun dinhmuna Fred khelhdan mawlh te hi!” tiin.
He a tawngkam hman ‘Portugues pa’ tih hi Man Utd fans te’n an helh hle a, social media lamah an ngaihdan an pholang sap sap hlawm.
‘Bruno Fernandes hian hun tawp dawn ah chakna goal khung rawh se, tichuan a hming hi Xavi an a theihnghilh tawh ngai lovang’, ‘Bruno hian naktuk match a minute 89-na ah penalty hmangin chakna goal han khung ngei se, ka hlimna in van a tawng ngei ang’, ‘PORTUGUESE PA! i ti elo? Portuguese pa i tih khan hming a nei a, chu chu Bruno Fernandes a ni’, ‘Naktuk zanah he Spanish pa hi zirtirna pek hlak a ngai’ tih te chu Man Utd fans te thinrimna au hla a ni.
Portuguese playmaker Bruno Fernandes hian 2020 khan pound 67.7 million in Manchester United hi a zawm a, Red Devils hniam ber lai pawha player pawimawh a ni. Man Utd captain armband hreng fo tu hi ‘Portuguese pa!’ ha in tih sak tawp mai chu fans te tan pawh a thinrim thlak viau ngei ang.