Everton manager Frank Lampard chuan Jordan Pickford chungchangah The Three Lions manager Gareth Southgate chu inbiakna a neihpui a, Tofees goalkeeper Pickford chu World Cup a England number 1 goalkeeper ni tura a lokir leh thuai tur thu a hrilh.

Pickford hian karhnih liamta a Meyseyside derby an khelh tum in a malpui ah hliam a nei a, Nations League a Germany leh Italy hmachhawn tur England squad ah telh a ni ve lo. Everton medical staff te chuan Pickford hi October ni 1 atanga ni 9 inkara a lokir tur thu an sawi chiang.

”Jordan Pickford chungchangah hian kan physio, England physio te leh Gareth Southgate ngei pawh inbiakna ka neihpui tawh a, Jordan tana thil tha ber tur kan duh. A tana thil tha ber tur chu Everton leh England tan pawh a ni tel. Tun atanga karhnih emaw karthum vel ah a lokir dawn a, chu chuan thil engkim a ti chiang. World Cup ah England tan a inlan hman ngei dawn. A dam hma theihnan risk lak kan duh lova, physio te’n an enkawl dan ang ang in a awm ang” tiin Frank Lampard ah Pickford chu World Cup a a inlan hman tur thu a sawi.

Tun season kal mek ah Everton hian league game 6 an khelh atangin point 4 chauh an la hlawhchhuak a, table ah 17-na dinhmun an luah mek. Tofees hian an game leh ah Westham chu Goodinson Park ah an lo mikhual dawn a, naktuk Pathianni (Sept ni 18) tlailam dar 6:45 ah match hi khelh a ni ang.

Related Posts

error: Content is protected !!