Wolverhampton laka an tlawm hnuin Liverpool boss Jurgen Klopp chuan an chakloh chhanah chhuanlam tur engmah an neihloh thu leh game leh atanga an insiamthat nghal a ngaih thu a sawichhuak.
Premier League inkhelah Wolverhampton in 3-0 laiin an khelmual ah Liverpool an sawp a, Klopp leh nau te’n mualpho takin Molineux Stadium an chhuahsan.
Nizan inkhelah ah Joel Matip chuan an mahni lamah a ti goal palh a, Dawson leh Neves te’n Wolves goal hnih dang te hi an khung bawk.
Inkhelh banah Red boss Jurgen Klopp chuan tuna an dinhmun mêk ah hetiang hian a ngaihdan a sawichhuak, “Chhuanlam tur engmah a awm lova, insawifiahna tur kan nei hek lo. Minute hmasa 15 kha a chhe lulai lutuk ringawt! Kan thlak danglam vat a tul, a pawi ka ti hle.”
“Kan inthlak danglam nghal a ngai a, han sawifiah leh tur chuan a awm lo. Kan game leh atanga kan insiamthat nghal a ngai” a ti.
Klopp leh a nau te hian an league game hnuhnung pali ah vawikhat mah hnehna an chang lova, season kal mêk a league game 20 atanga point 29 hmu tawhin table ah 10-na anni mêk bawk.
Reds hian an game leh ah zanin zantir lama league hmahruaitu Arsenal tlawm tu Everton an hmachhawn dawn a, Sean Dyche nau te laka point 3 hmu turin an tan viau a ngai maithei.