Westham in £7.75 million in Alphonso Areola an la nghet

Westham United chuan nikum a Paris Saint Germain atanga loan a an lak goalkeeper Alphonso Areola chu £7.75 million in an la nghet.

Hammers hian kum 29 a upa goalkeeper chu kum 5 daih contract an ziah pui.

Areola hian nikum khan East London Club Westham United tan vawi 17 a inlan a, League Cup a Hammers in penalty hmang a City an hneh tum pawh khan a inlan ve nghe nghe.

French goalkeeper hian a nghet a Westham zawm chu a duhthusam a nih thu leh manager David Moyes hnuaia khelh nuam a tih thu a sawi.

“He club a nghet a ka zawm thei hi ka lawm em em a, training zawm vat a club tan thil tha tih ka nghakhlel tawh hle, ka awm dan a tha a nuam ka ti em em bawk. He hmunah hian ka tih tur ka hai lova, club tana theihtawp chhuah ka duh” tiin Alphonso Areola an a sawi.

Westham United hian Manchester United a contract hmang zo tur Jesse Lingard leh Chelsea striker Armando Broja te pawh lakluh an duh bawk.

Related Posts

error: Content is protected !!