West Ham lama hlawhchham Sebastien Haller’an Ajax atang Champions League history a siam

Nizan UEFA Champions League match Ajax leh Sportin Lisbon khelhah khan Ajax star Sebastien Haller chuan penalty hmangin goal a khung a, Ajax lamin 4-2 in hnehna an chang. European Football-ah history thar a siam nghal.

UEFA Champions League history-ah Sebastien Haller hi group games 6 atanga goal khung vek thei player pahnihna chiah a ni. 2017-18 season-ah khan Ballon d’Or vawi 5 dawngtu Cristiano Ronaldo chuan he record hi alo siam ve tawh a ni.

“Hei hian awmzia tamtak a nei” tiin Sebastien Haller chuan inkhelh zawh khan Ziggo Sport a hrilh.

“Football i khelh tan tirh atang phata i dream chu Champions league game khelh hi a ni a, chet that i duh nghal ang ti raw, ka hlim tak zet a, ka inchhuang hle bawk.” tiin a sawi bawk.

Tun season zet zawng Ajax hi an che tha ang reng hle, group game 6 an khelh atangin hnehna an chang fai vek a, an awmna group ah hian Borussia Dortmund leh Besiktas te pawh an awm ve a ni.

Sebastien Haller chungah Ajax hi an lawm viau a rinawm, kumin UEFA Champions League khelh mekah hian goal 10 lai khung tawhin goal khung tam ber a ni mek. Group stage atang goal 10 khung thei player 4 na chiah a ni bawk. Ronaldo, Lionel Messi leh Robert Lewandowski te pawhin group game khelh zawh rual hian goal 10 an lo khing tling ve tawh a ni.

Sebastien Halle hi tun UEFA Champions League khelh mekah goal khung tam ber a ni lovang tih pawh a sawi theih loh.

Source SL

Related Posts

error: Content is protected !!