Kan hriat angin Aston Villa chuan an manager thar atan Steven Gerrard an ruat a, club a pan atanga nikhatna velah Antonio Conte ang deuhvin rule thar a siam ve nghal a ni.
Dean Smith’an Aston Villa chu Southampton lakah 1-0 in an tlawm pui a, rei vak lovah an manager atang an ban. Kar hmasa lamah khan Liverpool legend Steven Gerrard chu an manager thar atan an ruat nghal a ni.
Gerrard hian Scottish club lian Rangers chu seasson 2 chhung a enkawl a, hemi hnu hian a vawikhatna atan English Premiere League club a enkawlna tur a ni.
Rangers in hunrei tak Scottish Premiere league nomawi an lo nghah tawh chu, kum 41 a upa Steven Gerrard hian loss vawi khatmah nei loviin a chawi pui thei a ni.
Aston Villa in an manager thar atana an ruat hnu lawkah rule thar siam nghalin, Player te tan thei um (Tomato sauce) chu a khap nghal a ni.
“He thil hi a hma pawhin khap alo ni tawh tih ka hmu,” tiin Steven Gerrard chuan a sawi niin Express in an tarlang.
“Players te chuan rilru dik tak leh hawiher dik tak an nei ngei ngei tur a ni. Hmalam pan zel a, a sang ber nih hi an mamawh.” tiin a sawi bawk.
Gerrard hian Conte hnung a zui deuh a, an rule thar siam pawh an inang chiah, Thla hmasa khan Tottenham Hotspur chuan an manager thar atan Antonio conte chu ruatin rule thar a siam ve nghal.
Source SL