Manchester United target Raphael Varane leh Jadon Sancho, Real Madrid chhuahsantu captain Sergio Ramos leh Juventus superstar Cristiano Ronaldo te transfer update kan rawn thailang ve leh dawn a ni.
Tun tum summer transfer window-ah hian player chhuak tur emaw lut tur an um nuk a, player tha thenkhatte pawh 2021/22 season lo awm turah chuan club dangah an khelh a rinawm.
Chhuak tur zinga tel pakhat chu France centre back Raphael Varane hi niin Manchester United top target pakhat a ni a, Manchester United hian an la lut hnai niin Europe record hrang hrang ten an tarlang.
Tunah hian engmah confirm a la ni lova, Spanish journalist Pipi Estrada’an El Chiringuito TV a hrilh dan chuan Red Devils hian defender experience nei tha tak Varane contract chungchangah inremsimna an neih pui niin a sawi.
Kar hmasa lamah khan amah Varane ngei pawhin season thar lo awm turah chona thar hmachhawn a duh thu a sawi. Mahse, Spanish club lian hian Varane hralh chhuah a, Sergio Ramos chan chu an duh ang em le?
Kum 35 a upa Sergio Ramos chuan UEFA Champions League nomawi vawi 13 chawi tawhtu Real Madrid hi a mangtha der tawh a, Europe club tha hrang hrang tangin offer a hmu nual, Paris Saint-Germain hi an langsar ber a, Manchester City leh Bayern Munich pawh amah duhtu zingah an awm ve bawk.
Sergio Ramos hian tun thla a zawh rualin Real Madrid a chhuahsan dawn a, French club lian PSG hi a zawm a rinawm, PSG atang hian offer a hmu tha ber niin an sawi.
Transfer expert Fabrizio Romano sawi dan chuan, Sancho hian Red Devils a zawm teuh tawh hle niin a sawi a, Premiere League club lian Man Utd leh Borussia Dortmund te inremna turah hian thil te tham chiah a awm tawh niin a sawi bawk.
A tawp berah chuan Italian publication La Gazzetta dello Sport tarlan dan chuan Jorge Mendes hian kum 36 a upa Cristiano Ronaldo tan eng offer mah a la dawn loh thu a tarlang a, thla khat liamta vel atang khan Juventus lam hian hralh chhuah luih an tum niin a tarlang bawk.
Source Sl