Chelsea chuan an player thenkhat te chu hliam leh damlohna avangin United States a an pre season tour neihna turah an hruai tel ve lova, chung zingah chuan defender pahnih Reece James leh Wesley Fofana te pawh an tel.
West London club hian James leh Fofana te chu US a an tour neihna turah ah a hruai telh loh thu an sawi chiang a, a chhan pawh James hi a dam sam lova, Fofana in khup hliam a nei bawk. Chelsea chuan an forward pathum Pierre Emerick Aubameyang, Romelu Lukaku leh Hakim Zieych te pawh US tour nei tur team squad ah an telh lova, heng player pathumte hi kumina Stamford Bridge chhuahsan tura ngaih te anni mêk.
James leh Fofana te bakah Benoit Badiashile leh Armand Broja te pawh hliam avangin US lam an pan ve lo. Hetih mêk lai hian Chelsea chuan an 29-men squad US lama zinchhuak zingah kumin nipui bazara an lâkluh thar Christopher Nkunku, Nicolas Jackson leh Malo Gusto te pawh an tel bawk.
US a pre season tour nei tura zinchhuak Chelsea squad te:
Goalkeepers: Kepa, Gabriel Slonina, Lucas Bergstrom, Eddie Beach, Jamie Cumming.
Defenders: Thiago Silva, Trevoh Chalobah, Ben Chilwell, Marc Cucurella, Malo Gusto, Bashir Humphreys, Levi Colwill, Ian Maatsen, Alfie Gilchrist.
Midfielders: Enzo Fernandez, Conor Gallagher, Carney Chukwuemeka, Andrey Santos, Cesare Casadei, Lewis Hall.
Attackers: Mykhailo Mudryk, Raheem Sterling, Noni Madueke, Angelo Gabriel, Diego Moreira, Nicolas Jackson, Christopher Nkunku, Mason Burstow, Dujuan Richards.
Chelsea hian USA ah Wrexham, Brighton, Newcastle, Fulham leh Borussia Dortmund te an hmachhawn ang.
