Liverpool forward Darwin Nunez chu March thlaa Uruguay in friendly match an neih turah a inlan thei dawn lova, hliam avangin Uruguay squad atangin a inhnukdawk.
A hma lam khan kum 23 a upa hi Uruguay in March ni 24 leh 28 a Japan leh South Korea te friendly match a an hmachhawn hunah ram aiawha inlan tura koh ni mahse Uruguay Football Association leh Liverpool lam chuan Nunez an ram tana a teammate te a zawm theih rih loh tur thu an puang.
Report tarlan danin Nunez hian UEFA Champions League Round of 16 second leg a 1-0 a Real Madrid an hnehloh tum khan kerêk hliam a nei a, Liverpool ah a hliam te enkawl mêk a ni.
£85 million a Anfield pantu Benfica forward hlui hian Merseyside club tan game 33 (all competition) a inlan atangin goal 14 leh assist vawi 4 a thawkchhuak tawh a, Reds player zingah ani aia season kal mêk a goal thawkchhuak hnem zawk chu Mohamed Salah (33 goals + assist) chauh a ni.
Nunez a inhnuhdawh tâk si ah chuan Uruguay lam chuan a thlaktu turin Club America forward Jonathan Rodriguez an ko ve nghal bawk.