Manchester United player hlui Dimitar Berbatov chuan tuna Manchester United first team player ni lai pathumte chu khelhna hun tam zawk an hmuh theihna turin club chhuahsan se tih a duh.
Man Utd boss Ralf Rangnick chuan a team te siam rem hret hret a tum ve reng bawk a, team lam an chet that loh chhoh zel chuan a hna tan pawh a pawi theih avangin, tuna senior player thenkhatte hi chuan khelhna hun an nei tlem deuh tawh dawn niin a lang.
Goalkeeper back up Dean Henderson chuan tun hnai lawk khan January transfer window chhung ngeiin chhuah alo dil tawh a, mahse, interim boss Rangnick chuan Henderson dilna chu alo hnawl sak a ni.
Player dang thenkhatte pawhin Ralf Rangnick hnuaiah khelhna hun an chang tlem sawt dawn niin a lang a, United striker hlui Dimitar Berbatov chuan Donny van de Beek, Anthony Martial leh Dean Henderson te hian club hi chhuahsan se tih a duh.
“Dean Henderson’an club hnenah chhuah a dil hi mak ka ti hran lo, ka duh ang a ni. Donny van de Beek leh Anthony Martial te pawh hi chhuah tum rawh se.” tiin Dimitar Berbatove chuan Betfair a hrilh.
“Heng player te hi an khel tam lova, an hlim lo tih chu a chiang a, hunrei tak an lo atchilh tawh football khelh an duh tak tak a nih chuan an chhuah a ngai.”
“David de Gea hian hun harsa tak a hmang a, Henderson chuan khelh tam ve ngei a inbeisei ngei ang, mahse, duh angin a khel tam lo, chhuah a dil pawh hi a mak hran lo.” tiin a sawi bawk.
Source SL