United lama Phil Jone hun pawh a zo hnai ve tawh niin a lang. Ligue 1 club lamah kan hmu maithei

Manchester United defender Phil Jones chu Bordeaux lamah tun season chhung atan loan-in a khel dawn niin French outlet Foot Mercato chuan a tarlang.

Bordeaux hian Zirtawpni khan an elpui pakhat Lyon atang Brazilian centre back Marcelo chu an la lut tawh a. Hetihlai hian an defender Laurent Koscielny pawh chhuak tur anga sawi a ni mek bawk. Bordeaux lam hian transfer deadline day zawh hma ngeiin defender lak luh an tum a ni.

Manchester United defender Phil Jones chu an target ber niin report in a tarlang.

Report in a tarlan zel dan chuan, Phil Jones hian season zawh thleng awm turin French club a zawm dawn niin a tarlang. Bordeaux sporting director Admar Lopes pawhin Englishman Jones hi la luh ngei a duh thu a sawi a ni.

Phil Jones hi kum 2011 atang khan Manchester United player a ni tawh a, Blackburn Rovers atanga Old Trafford pan a ni. Mahse, United lam hian Raphael Varane, Harry Maguire, Eric Bailly leh Victor Lindelof te anneih avangin Phil Jones tan khelhna chance a chhe tawh hle.

Heti chung hian Manchester United lamah kum 2023 thleng contract a nei a, tun season Premiere League khelh mekah match 1 chiah ala inlan thei rih.

Related Posts

error: Content is protected !!