United in Young Boys an hmachhawn hunah United teenager pawhin Champions League game hmasa ber a khel maithei?

Manchester United in UEFA Champions League match khel turin Old Trafford-ah Swiss club BSC Young Boys an hmachhawn dawn a, he game khelh turah hian Man Utd youth product Anthony Elanga pawhin Champions League game hmasa ber a khel thut thei niin report in an tarlang.

BBC Sport in a tarlan dan chuan Man Utd interim boss thar Ralf Rangnick hian Anthony Elanga hi tun season-ah a vawikhatna atan huntha a pe ve dawn niin an tarlang.

Kum 19 a upa Anthony Elanga hian season hmasa khan Ole Gunnar Solskjaer enkawlna hnuaiah Manchester United tan a game hmasa ber alo khel tawh a. 2020-21 season-ah khan Red Devils tan all competion ah match 2 inlanin, goal khat a khung nghe nghe.

Anthony Elanga hi che tha chho zel tura ngaih a ni a, a chet that viau chuan Manchester United first team tan a tangkai viau dawn niin a lang. Tun season khelh mekah hian club tan vawi 2 a inlan tawh bawk.

Fans leh pundits tamtakin United lamin he teenager hi football a khelh tam theihna turin loan in thawn chhuak se tih chu an duh.

Mahse, report in a tarlan zel danah Ralf Rangnick hian Elanga chu khelhna hun tha pek a, thla leh transfer window lo awm turah loan a chhuahtir a duh vang niin an sawi.

Source SL

Related Posts

error: Content is protected !!