November ni 20 Pathianni khian Manchester United chuan Premiere League match-ah Watford an hmachhawn leh dawn a, hetah hian Cristiano Ronaldo pawh a start ngei a rinawm.
Kan hriat angin Manchester City in 2-0 lai maiin an hneh a, international break in a chhunzawm nghal a nih kha, United lam hian hnehna chan tawh ngei an tum hle ang. Red Devils hi tun season khelh mekah beisei an phak lo hle a, Premiere League table-ah parukna dinhmun hauhvin, pakhatna a awm Chelsea chu point 9 lai maiin an la phak lo.
Fixture harsa tak karah Cristiano Ronaldo pawh Manchester United a start leh ngei a rinawm. Ballon d’Or winner vawi 5 dawng tawhtu hian attack lamah Bruno Fernandes a kawppui dawn chiang a, Mason Greenwood leh Marcus Rashford ah hian a tu emaw zawk zawk a kawppui a rinawm. Man Utd boss Ole Gunnar Solskjaer hian 3-5-2 formation a hmang dawn niin an sawi.
Manchester United manager Ole Gunnar Solskjaer’an formation a hman tum 3-5-2 hi Liverpool an hmachhawn tum pawh khan alo hmang tawh a, mahse, a fuh lo hle, 5-0 lai maiin Liverpool lakah an tlawm a nih kha. Mahse, Tottenham Hotspur an hmachhawn tumah khan 3-5-2 formationa tho hmangin 3-0 lai maiin hnehna an chang thung. C Ronaldo hian goal a khung mai bakah assist a nei a ni.
Solskjaer hian 3-5-2 formationa hi hmang lo pawh ni se, C Ronaldo erawh start tura ngaih a ni.
Cristiano Ronaldo hian a career-ah Watford hi vawi 3 alo hmachhawn tawh a, an lakah goal 2 a khung tawh. Mancehster United lama hun a hman hmasak zawkah khan vawi 2 hmachhawnin goal a khung ve ve.
Kum 2007 ah khan Man Utd leh Watford inhmachhawnin United lamin 4-0 in hnehna an chang a, C Ronaldo pawhin goal 1 a khung ve a ni, he a goal khung hia tunah United boss ni mek Ole Gunnar Solskjaer assist a ni nghe nghe.
Vawi khat dang leh chu FA Cup final an khelhah 4-1 in United lamin hnehna an chang a, C ROnaldo pawhin goal khat a khung leh a ni.
Source SL