Manchester United star Bruno Fernandes chuan Career goal 800 khung tlingtu Cristiano Ronaldo chu a fak.
Premiere League match Manchester United leh Arsenal khelh takah khan Red Devils lamin 3-2 in hnehna an chang a, Ronaldo’an goal 2 na a khung chiah khan a career bikah goal 800 a khung tlinna a ni a record thar a siam a ni.
Portuguese superstar C Ronaldo hian penalty hmangin chakna goal a khung a, Bruno Fernandes pawhin goal a khung ve bawk. Bruno Fernandes hian midang tumah a fak lova, mahse, game khelh zawh khan a rampuipa chiah a fak.
“Hemi chungchangah hian eng nge i sawi theih? A tha tak zet a ni, kan zavai mai hian a that zia kan hria,” tiin Bruno Fernandes chuan C Ronaldo chungchang Amazon Prime a hrilh.
“Game tin, kum tin, season tin mai hian hma a sawn zel mai, a tha ber nih chu a duh ber a ni.”
“Tha ber nih a duh a, hei hi team tana kan duh ber chu a ni.” tiin Bruno Fernandes chuan a sawi belh.
Manchester United in Chelsea an hmachhawn tum khan C Ronaldo hi bench-ah thuttir a ni, hemi chungchangah C Ronaldo hian amah leh amah a intiphur niin i hria em tiin Bruno Fernandes ngaihdan an zawt a, ti hian a chhang.
“Amah leh amah intihphur nan kha kha a mamawh lem lo, mahni leh mahni intihphur dan chu a hre lutuk, goal khung dan pawh a hria” tiin.
Source SL