Manchester United interim coach thar Ralf Rangnick chuan kumin January thla khan Chelsea enkawl theihna chance nei mahse, a hnawl chhan a sawifiah.
December, 2020-a Chelsea in Frank Lampard an ban hnu khan German Tactician hi Chelsea targer pakhat a ni a, mahse, thla 4 chauh enkawlna hun awm tawhah khan alo hnawl a ni.
Rangnick hi tun season chhung atan chauh United enkawltu tur ni mahse, season khelh zawhah hian coach pangai atan an ruat thut thei bawk.
“Kha tih lai khan Chelsea chuan min bia a, mahse, thla 4 vel atan chauh enkawl turin min duh, a hnu lam an sawi tello a ni.” tiin Ralf Rangnick chuan press conference-ah a sawi niin Sky Sports lamin an sawi.
“Hetah chuan (Man Utd a sawina) thla ruk leh a chanve mai bakah kum 2 chhung advisory role anga awm turin min hrilh a ni.”
“Manchester United te ang club in an contact che chuan i hnawl theih ka ring lo a ni.” tiin a sawi bawk.
RB Leipzig coach hlui hian Pathianni Premiere League match-a Crystal Palace an hmachhawn hunin a hna tak tak a tan ve dawn a ni.”
Source SL