Premiere League club Tottenham Hotspur chuan an thenawm Arsenal chu UEFA Rankings ah an khum thei dawn niin a lang.
Kan hriat angin Arsenal lam hian season bul an tan tha vak lova, kartawp match a Norwich 1-0 a an hneh hma kha chuan Premiere League table-ah a hnuai ber an ni. Season hmasaah pawh khan European competion khel thei turin an in pet kai theilo a nih kha. Tun century bikah league lama an chet chhiat ber tum a ni nghe nghe.
Season khelh zawh takah khan Jose Mourinho pawhin Tottenham hi table-ah pasarihna chauh a hauh pui thei a, inelna thar Europa Conference League an khel pha chiah chiah tihna a nih chu.
Nuno Espirito Santo tan Stade Rennes, Vitesse leh Slovenian top flight club NS Mura te hi an hnawksak deuh hlek dawn niin a lang. Mahse, Spurs tan chance a tha zawk.
Kum 5 liamta vel atanga UEFA Rankings-ah hian Arsenal chu 12 naah awmin, Spurs hi 13 naah an awm ve bawk. Tunkarah Tottenham in match an khel a nih chuan Arsenal hi an khum thei dawn niin a lang.
Round tinah hnehna an chang zel a nih chuan point an hlawh chho zel dawn a, heti a nih chuan Arsenal an khum thei dawn a ni. Arsenal hian point 80 hmu mekin, season thar khelh leh hma chu point an hmuh belh thei rih dawn lo a ang hle.
UEFA Ranking-ah hian Bayern Munich in hma an hruai mek a, pathumnaah Manchester City awmin, Chelsea in UEFA Champions League nomawi leh UEFA Super Cup nomawi an chawi hnuah pangana dinhmun an rawn hauh ve bawk.
Group Stage-ah Tottenham lam an chet that viau chuan point 80.5 vel an hmu thei dawn a, kum 1991-92 season hnuah a vawikhatna atan Spurs hian Gunners hi an khum dawn a ni.
Source Mail Online