UEFA chuan 2020/21 Champions League squad of the season a puang leh a, mahse, Juventus superstar Cristiano Ronaldo erawh a tello. Hetih lai hian African player pakhat chiah a tel thung.
UEFA Champions League hnuhnung ber chu kar hmasa lamah khan khelh zawh a ni a, Chelsea chuan final ah Manchester City chu 1-0 in an hneh a ni. UCL Squad of the Season-ah hian Players pasarih lai mai an tel a, Senegalese shot stopper Edouard Mendy, Mason Mount leh N’Golo Kante te pawh an tel a ni.
Juventus superstar Cristiano Ronaldo erawh UCL Squad of the Season-ah hian a tellova, hetih lai hian Lionel Messi erawh a tel, Messi hian UCL match 6 a khelh atangin goal 5 a khung a, assist vawi 2 a nei bawk.
UCL Golden Boot dawngtu Erling Haaland pawh tel in, City players 5 lai an tel.
A hnuaiah hian Squad khat player 23 awmna kan rawn tarlang e.
GK – Thibaut Courtois (Real Madrid)
GK – Edouard Mendy (Chelsea)
GK – Ederson (Manchester City)
DEF – Cesar Azpilicueta (Chelsea)
DEF – Ruben Dias (Manchester City)
DEF – Marquinhos (Paris Saint-Germain)
DEF – Antonio Rudiger (Chelsea)
DEF – Ben Chilwell (Chelsea)
DEF – David Alaba (Bayern Munich)
MID – Jorginho (Chelsea)
MID – Ilkay Gundogan (Manchester City)
MID – Mason Mount (Chelsea)
MID – N’Golo Kante (Chelsea)
MID – Phil Foden (Manchester City)
MID – Sergio Oliveira (FC Porto)
MID – Luka Modric (Real Madrid)
MID – Kevin de Bruyne (Manchester City)
ST – Erling Haaland (Borussia Dortmund)
ST – Kylian Mbappe (Paris Saint-Germain)
ST – Robert Lewandowski (Bayern Munich)
ST – Karim Benzema (Real Madrid)
ST – Neymar (Paris Saint-Germain)
ST – Lionel Messi (FC Barcelona)
Source SL
Chelsea-ah season khat chauh awm mahse, Chelsea chuan Ziyech hralh an tum
Chelsea star Hakim Ziyech chu season khat chauh Stamford Bridge-ah hun hmang rih mahse, club lamin hralh chhuah an tuma, amah duhtu zingah hian Italy club pahnih an langsar niin report in a tarlang.
Summer transfer hnuhnung berah khan Chelsea chuan Ajax Amsterdam atangin Ziyech hi an la lut a, Chelsea tan all compettion-ah match 39 lai a inlan hman a ni. Mahse, club lam chuan sum tuak nan hman an tum nghal.
Calciomercato tarlan dan chuan Napoli lamin Ziyech hi lak luh an duh a, AC Milan pawhin an player nena inthleng pui an duh ve bawk.
Chelsea tan goal 6 khungin assist vawi 4 nei mahse, Chelsea boss thar Thomas Tuchel hnuaiah a nghet tak tak thei lova, Starting XI pawh a chang tha thei mang meuh lo a ni.
Morocco international hian Premiere League match 15 a start na atangin a quality neih that zia a pholang a, mahse, zawhna awm thei chu Chelsea-ah hian hunrei tak a awm thei ang em tih chu zawhna lian ber a ni.
UEFA Champions League semi final Real Madrid nen an khelh leg 2-ah khan squad-ah a tello hrim hrim a, Porto a final Man City nen an khelh tumah pawh khan squad-ah a tello a ni.
London lamah a hun a tawp hnai tawh niin a lang a, Napoli chu amah la tu tur zingah a tel, Napoli hian an manager thar atan Luciano Spalletti an lak hnuah, Hakim Ziyech chu lak luh a duh niin an tarlang.
AC Milan pawh hi Hakim Ziyech la lut tur zingah rinkai ber pakhat an ni. Sportsmail tarlan dan chuan season thar inpuahchah nan Chelsea hian sum hman tam an tum deuh niin an tarlang a, hei vang hian Ziyech hi an hralh chhuah ngei ngei a ngai dawn niin an tarlang bawk.
Source Sportsmail
Premiere League Club lamah Andrea Pirlo
Serie A club lian Juventus in an manager Andrea Pirlo an ban hnuah, Premiere League club nena sawi zawm a ni.
Andrea Pirlo hian Juventus chu trophy 2 chawi puiin, Serie A table-ah top 4 hauh pui mahse, kar hmasa khan Juventus in a hna atangin an ban a ni.
Andrea Pirlo hian hnathar zawn buai nan hun a duh tam vak dawn lo niin a lang, Calcio Mercato chuan 2002 World Cup winner Pirlo chu Everton lamin lak luh an tum niin a tarlang.
Everton manager Carlo Ancelotti’an club a chhuahsan hnuah Toffees ho hian manager thar an zawng mek ve bawk.
Pirlo hian Juventus chu Serie A nomawi a hum pui zo lova, season liamtaah khan Old Lady chu Coppa Italia leh Super Coppa Italiana nomawi a chawi pui.
Italian publication tarlan danchuan Leicester City manager hlui Claudio Ranieri hi Everton target pakhat a nih theih thu an tarlang bawk.
Source Sl