UEFA Chuan official takin 2020 UEFA European Championship Team of the Tournament a puang a, Euro 2020 a goal khung tam ber Portugal captain Cristian Ronaldo chu Starting XI ah a tel lo.
Kan hriat angin Wembley Stadium-ah England leh Italy chuan Euro 2020 an khel a, hun pangaiah 1-1 a an indraw avangin extra time khelh a ni, extra time-ah pawh goal dang an khung belh theih loh avangin Penalty shootout pet a ni. Italy chuan 3-2 in hnehna an chang.
England tan hian Marcus Rashford, Jadon Sancho leh Bukayo Saka ten goal an khung lo a, Italy lam atangin Jorginho leh Belotti’an an khung lo bawk. Itlay goalkeeper Gianluigi Donnarumma leh England goalkeeper Jordan Pickford an che tha hle.
UEFA chuan official takin Euro 2020 Team of the Tournament (Starting XI) a puang a, kan rawn tarlang ve leh dawn a ni.
GK: Gianluigi Donnarumma (Italy)
RB: Kyle Walker (England)
CB: Leonardo Bonucci (Italy)
CB: Harry Maguire (England)
LB: Leonardo Spinazzola (Italy)
MF: Pierre-Emile Hojbjerg (Denmark)
MF: Jorginho (Italy)
MF: Pedri (Spain)
FW: Federico Chiesa (Italy)
FW: Romelu Lukaku (Belgium)
FW: Raheem Sterling (England)
Source SL
Read More: Super Cup ah South American champion Argentina vs European Champion Italy an inhmachhawn mai thei?
Kum 28 chhungin Argentina chuan a vawikhatna atan Copa America nomawi an chawi a, Argentina chuan Euro 2020 champion Italy chu ‘Super Cup’ ah a hmachhawn leh dawn niin report in an tarlang.
Barca Blaugranes in a tarlan dan chuan South America fotballing body CONMEBOL chuan UEFA hnenah Argentina leh Italy inhmachhawn tir turin an ngen niin an tarlang, eng team nge tha zawk tih en nan.
A hmain Copa America champion Argentina leh UEFA European Champiionship champion Italy te hi FIFA Confererations Cup ah an inhmachhawn tawh a, mahse, he tournament hi chu paih a ni tawh. Confederations Cup hnuhnung ber chu 2017 khan khelh a ni a, kha tih lai khan Germany an champion
Argentina leh Italy te hi 2022 FIFA World Cup tan hmain a khelh a rinawm. Mahse, tunlai hrileng avang hian duh ai hmaah an tan theilo maithei bawk niin an sawi.
European champion leh South American champion te hi anlo khel dun tawh thin a, The Artemio Franchi Trophy (Super Cup) hi kum 1985 leh 1993 ah khan khelh alo ni tawh. He tournament-a hnehna chang hmasa ber tu chu France anni a, kha tihlai khan France chuan 2-0 in Uruguay an hneh. Kum 1993 ah khan Argentina chuan Denmark an hneh ve bawk.