Football club inelnaah chuan UEFA Champions League (Kum 1992 hmalamah kha chuan European Cup tia hrialar) hi a sang ber mai awm e. Europe champions nih hi football player leh club hrang hrang te dream a ni.
UEFA Champions League season khatah hian Europe leagues hrang hrang atangin teams 32 te an khel thin a, Spanish club lian Real Madrid chuan UEFA Champions League trophies 13 lai an chawi tawh a, Champions League nomawi chawi hnem ber anni mek.
UEFA Champions League nomawi chawi hnem lamah Serie A club AC Milan chu pahnihnaah awm in, Champions League nomawi vawi 7 lai an chawi ve tawh a ni, Bayern Munich leh Liverpool hian UEFA Champions League nomawi vawi 6 ve ve an chawi tawh a ni. Hetihlai hian khawvel club tha tia an sawi thin club thenkhatte erawhin he nomawi hi vawi khat pawh an la chawi theilo
Engpawhnise, a hnuaiah hian UEFA Champions League nomawi la chawi ve lo club tha 5 te kan rawn tarlang ve leh e.
Top 5 clubs that have never won the UEFA Champions League
5 Arsenal
Arsenal hi tun hma kha chuan team hlauhawm ve tak anni thin kha a ni a, mahse, tun hnuah hian duh angin an che tha hlei thei tawh lo.
Arsene Wenger’an Gunners a enkawl lai khan khawvel player tha Robin Van Persie, Sol Campbell, Thierry Henry, Robert Pires leh Cesc Fabregas leh midang tamtak an lo khel ve thin tawh a, kum 2006 khan UEFA Champions League nomawi an chawi teuh hle, mahse, Frank Rijkaard’s enkawl FC Barcelona an hneh lo a nih kha.
UEFA Champions League nomawi chawi lo mahse, North Londoners hi knock out stages an thleng ve deuh ziah, mahse, tunah erawh khatiang dinhmun pawh an thleng thei tawh lo a ni.
Kum 2017 thleng kha chu UEFA Champions League an khel pha ve deuh ziah a, mahse, kum 2017 hnuah UEFA Champions League an khel leh tawh lo a ni.
4 Valencia
Spanish team te hi UEFA Champions League lamah sulhnu an nei tha ang reng hle a, Europe top 5 leagues dang te aiin UEFA Champions League nomawi an chawi hnem zawk a ni.
Spain league sang ber La Liga club tena UEFA Champions League nomawi an chawi zawng zawng belhkhawm hi vawi 18 lai a tling a, England in vawi 14, Italy in vawi 12, Germany in vawi 8, France in vawi 1 an chawi ve bawk. 90s leh 2000s bawr vel kha chuan Valencia hi team tha tak anni a, mahse, vawiin ni thlengin UEFA Champions League nomawi erawh an la chawi bik lo.
Gaizka Mendieta enkawlna hnuaiah Valencia hian a zawnin UEFA Champions League final an khel a ni, mahse, final an khelhah hnehna an chang lo ve ve.
3 Atletico Madrid
Diego Simeone enkawlna hnuaiah Atletico Madrid hi an che tha hle a, UEFA Champions League lamah pawh hma an rawn sawn chho viau. Mahse, vawiin ni thlengin UEFA Champions League nomawi erawh an la chawi thei rih bik lo.
La Liga bikah team tha tak pahnih Real Madrid leh Barcelona te awm mahse, 2013-12 season leh 2020-21 season-ah khan La Liga nomawi an chawi a ni.
Diego Simeone enkawlna hnuaiah Rojiblancos hian European trophies an chawi ve nual tawh a, UEFA Europa League noamwi 2 leh UEFA Super Cups nomawi 2 an chawi tawh a, mahse, Champions League nomawi erawh an la chawi rih bik lo, kum 2014 leh kum 2016 khan final an lut nghe nghe.
Final vawi 2 an luhah hian Real Madrid an hneh lo ve ve a, 1973-74 season khan final lut tawh bawkin Bayern Munich an hneh lo
Atletico Madrid hi nomawi chawi thei tura rinkai ber pakhat anni mek.
2 Paris Saint-Germain
Paris saint-Germain hi khawvel football tha ber pakhat anni mek a, mahse, UEFA Champions League nomawi erawh an la chawi ngai lo, tun season-ah erawh UEFA Champions League nomawi chawi an tum ruh hle, player tha Lionel Messi, Sergio Ramos leh Gianluigi Donnarumma te an la lut tawh a, nomawi an chawi theih ngei a rinawm.
Parisians hian khawvel footballer talent nei tha tak tak te an kawl mek a, team hlauhawm ber pakhat anni mek.
2012-14 season atanga chhutin UEFA champions League final vawi 9 an khel tawh a, mahse, an hlawh chham vek a ni.
1 Manchester City
Premiere League bikah kum 10 chhung liamta khan Manchester City aia che tha an awm lo, kum 10 chhungin Premiere League nomawi vawi 5 lai an chawi hman.
Season liamtaah khan UCL final an lut ve ngei a, mahse, Chelsea lakah an tlawm a nih kha. Kumin hian an chawi thei tak ang maw?
Source SL