Footballer zingah hian free kick pet thiam tak tak leh hlawhtling tak tak an awm nual a, tun tumah hian UEFA Champions league history-a direct free kick pet goal tam zual player 5 te kan rawn tarlang ve leh dawn a ni.
Champions League history-a Direct Free kick pet goal tam te
5 Neymar Jr. – 5 direct free-kicks
Neymar Jr hi khawvel free kick pet thiam tak pakhat a ni. Neymar hian UEFA Champions League history bikah direct free kick vawi 5 lai alo pet goal tawh a ni.
A free kick pet goal zinga chhinchhiahtlak tak pakhat chu 2016-17 UEFA Champions League Round of 16 seocond leg a Barcelona an hmachhawn tum khan a ni. Minute 88 naah direct free kick hmangin goal a khung a, kha tih lai khan FC barcelona lamin 6-1 lai maiin an hneh thung.
4 Andrea Pirlo – 5 direct free-kicks
Andrea Pirlo hi football history-a midfielder tha ber pakhat anga sawi thin a ni. Ball pet a thiam em em a, a ball pet hrim hrim hi a cool thei hle. UEFA Champions League history-ah direct free kick vawi 5 lai alo pet goal ve tawh a ni.
3 Lionel Messi – 5 direct free-kicks
Lionel Messi hi Footballer zingah free kick pet thiam ber pakhat anga sawi a ni. UEFA CHampions League history-ah direct free kick vawi 5 a pet goal tawh.
2 Juninho Pernambucano – 10 direct free-kicks
Brazil international hlui Juninho Pernambucano hi mi tamtakin football history-a free kick pet thiam ber niin an ngai. UEFA Champions League history-ah direct free kick vawi 10 lai alo pet goal ve a ni.
1 Cristiano Ronaldo – 12 direct free-kicks
UEFA Champions League history bikah direct free kick pet goal hnem ber a ni mek. Direct free kick a pet goal zinga ropui ber pakhat chu, 2007-08 season a Arsenal laka a pet goal kha a ni. Yard 35 a hla atangin a pet goal hem nghe nghe.
Source SL