Nizan UEFA Champions League final khelhah khan Chelsea chuan Manchester City chu 1-0 in an hneh a, Chelsea hian an history-ah a vawi hnih nan UEFA nomawi an chawi a ni.
Pep Guardiola’an team selection a siam chungchangah sawiselna hrang a tawk a, minutes 42 naah Kai Havertz chuan Mason Mount ball siamsak tha tak mai hmangin goal-ah a chantir a, he goal hi final a goal lut awmchhun a ni.
Nikum UEFA Champions League final ah Thomas Tuchel enkawl Paris Saint-Germain chu Bayern Munich in an hneh a, kuminah Chelsea rawlthar te hmangin hnehna a rawn chang leh a ni.
Engpawhnise, a hnuaiah hian tun season UEFA Champions League final a thil thleng mak dangdai 10 te kan rawn tarlang ve leh ang nge.
10. Chelsea goalkeeper Edouard Mendy’an 2020-21 UEFA Champions League-ah cleansheet vawi 9 lai a nei tling. UEFA Champions League history-ah club tana season hmasa ber khel tawh atanga cleansheet nei tam ber a ni.
9. UEFA Champions League final bikah Pep Guardiola tlawm vawi khatna. Manchester City manager a nih hnuah Cup final-ah a vawi khat tlawmna a ni a, a managerial career-ah chuan final a tlawm vawi 2 hnihna a ni. 2010/11 season khan FC Barcelona chu Copa del Rey final ah a tlawm pui.
Pep Guardiola hian UEFA Champions League final vawi 3 a thleng tawh a, tun hi a vawi khat tlawmna a ni bawk. FC Barcelona chu UEFA Champions League nomawi vawi 2 a chawi pui a, hetah hian Man Utd chu vawi 2 lai a hneh.
8. English player ti hming thatu Masaon Mount. Kum 2008 hnuah Champions League final a English player assist nei leh hmasa ber a ni. 2007/08 season-ah khan Manchester United leh Chelsea chuan final an khel a, hetah hian Wes Brown chuan tha zetin a cross a C Ronaldo’an goal-ah a chantir.
7. Thomas Tuchel’an a zawnin match 3 lai mai Pep Guardiola a hnehna match a ni. Thomas Tuchel hi a zawna vawi 3 lai mai Pep Guardiola hneh thei manager pahnihna a ni. Kum 2018 khan Jurgen Klopp chuan Pep Guardiola hi a zawnin vawi 3 lai mai alo hneh tawh a ni.
6. Season 3 liamta chhunga UEFA Champions League nomawi chawitu te hi German manager vek an ni. Season 3 liamta chhung khan German manager pathumin UEFA Champions League nomawi an chawi vek. Kum 2019 khan Jurgen Klopp’an Liverpool a chawi pui a, kum 2020 ah Hansi Flick in Bayern Munich a chawi pui a, kuminah Thomas Tuchel’an a chawi pui leh. Heng manager pathum te hi German mi vek anni e.
5. Chelsea hian European final an khelh vawi 7 atangin vawi 6 lai mai an chawi tawh a, Roman Abramovic’an Chelsea a enkawl hnuah vawi 4 an chawi. UEFA Champions League nomawi vawi 2, leh Europa League nomawi vawi 2.
4. Kai Havertz’an Chelsea tana khelh hmasak ber season-ah goal ropui tak a khung nghal. Nizana goal khat awmchhun khan Kai Havertz khung niin, kum 1997 hnuah UEFA Champions League finala German player goal khung thei naupang ber a ni. Nizan goal a khung khan kum 21 leh ni 352 a upa a ni. Kum 1997 khan Borussia Dortmund star Lars Ricken chuan UCL final-ah goal khungin kha tih laia a kum chu kum 20 leh ni 322 a upa a ni.
3. Pep Guardiola hi vawi 7 lai mai Chelsea lakah a tlawm tawh a, a managerial career a a tlawm tamna ber a ni.
2. Nizan UCL final khelhah khan Man City lakah foul a neilo, tackle 100% a nei a, take ons 100% a nei bawk.
1. Pep Guardiola’an Man City a enkawl hnuah Major finala Man City hneh theitu hmasa ber chu Thomas Tuchel a ni. Major final-ah City hi an la tlawm lo. Nizan kha an vawikhat tlawmna.
Source Sportskeeda