UCL Group stage atang Barca an tlak hnuah Thomas Muller thusawi

UEFA Champions League atang Catalan club an tlak hnuah Bayern Munich forward Thomas Muller chuan FC Barcelona chungchang a sawi.

Nilaini khan Bayern Munich leh FC Barcelona te chuan Champions League group game hnuhnung ber an khel a, Bayern lamin 3-0 lai maiin an hneh. An awmna group bikah Bayern chu chungnung berin, pahnihnaah Dynamo Kiev hnehtu Benfica hi an awm ta a ni.

Post match interview-ah Barcelona boss Xavi Hernandez pawh a thinrim hle a, a team te chet danah a lungawi lo hle tih a chiang.

2000/01 season hnuah FC Barcelona hi Champions League knockout stage an thlen loh vawikhatna a ni. Tun tumah hian group stage-ah an tla.

February 2017 atang khan UEFA Champions League bikah Barcelona hi vawi 10 lai an tlawm tawh a, goal 3 emaw goal 3 ai tama an tlawmna te chu, Paris Saint-Germain lakah vawi 2, Juventus lakah vawi 2, Roma, Liverpool leh Benfica lakah te an tlawm tawh a, Bayen Munich lakah 3-0 in an tlawm leh bawk.

Experienced nei tha tak Bayern forward Muller hian Champions League bikah Barcelona hi vawi 7 alo hmachhawn ve tawh a, an lakah goal 8 a khung tawh a ni.

Kum 32 a upa Muller chuan Barcelona chu tactically leh technically a an that thu a sawi a, mahse, an that ang hu ngaihtuah chuan an che tha lem lo niin a sawi.

“FC Barcelona hian an that ang hu in an sual zo lo” tiin Muller chuan DAZN a hrilh.

“Tehnically in engkim an nei vek, tactically leh technically tak in player ropui tak anni.”

“Mahse, tob football-ah an that ang huin an sual zo lo thin.” tiin a sawi bawk.

Barcelona hian group game 6 an khelh atangin goal 2 chiah an khung a, Bayern Munich leh Benfinca nena an game khelh 4 ah goal an khung zo lo.

Source Mirror

Related Posts

error: Content is protected !!