UCL Atang Man City An Ban A Nih Chuan Barcelona Lamah Pep Guardiola A Kir Dawn?

Reports in an tarlan dan chuan FC Barcelona board lamin Manchester City Boss Pep Guardiola chu season thar lo awm turah Barca lamah a kir leh duh mai an ring.

2019/20 season duh anga hmang tha lo FC Barcelona chuan Man City boss Pep Guardiola chu La Liga lama lak let leh an duh niin an Reports in a tarlang.

Advertisement

Barcelona boss Quique Setien’s chuan January thla khan Camp Nou lamah a lut a, mahse, hmasawnna rah hmuh tur a awm meuh lo, tunah Barcelona chuan League table-ah pahnihna dinhmun an hauh mek a, points 2 in Real Madrid an phak lo mek a ni.

Daily Express in an tarlan dan chuan tun season zawh rual hian an managerial thlak dan tur an ngaihtuah dawn niin an tarlang a, UEFA Champions League khel thei lo tura Man City an hrem a nih chuan Pep Guardiola chu Catalan lamah a kir leh duh mai an ring niin a tarlang bawk.

Advertisement

Hriat angin Citizens lam chuan UEFA khel thei lo turin kum 2 chhung khuahkhirh an nihna chu an appealed a, an hrem chhan ber chu Financial Fair Play regulations an bawhchhiat vang a ni. Thla leh hian Court of Arbitration for Sport chuan Cityzens buaina chungchangah thuchhuah a siam dawn niin an tarlang bawk.

Man City hrem an nihna hi an kal pui zel a nih chuan Barcelona lam pawhin an coach hlui Pep Guardiola chu lak theih ngei an inring a, an la thei ngat a nih chuan Spanish club lian Barcelona tantu te an lawm hle in a rinawm.

Advertisement

Pep Guardiola hi Barcelona coach ropui ber anga sawi a ni thin, July 2008 atang June 2018 thleng Barcelona a lo enkawl tawh a, trophies 14 lai a lak pui hman a ni.

Source SL

Advertisement
Advertisement

Next Post

Juventus in Arthur an lak hnuah, Juventus Players Hlawh Hnem Zualte

Tue Jun 30 , 2020
Nimin Thawhtanni (Monday) khan Juventus chuan FC Barcelona atangin midfielder Arthur Melo an lak luh thu an puang a, Juventus […]