Real Madrid chuan Turkish rawthar beiseiawm tak Arda Guler an lalut dawn a, medical test a neih zawh ah kum 6 chhung daih tur contract an ziahpui ang.
Kum 18 a upa manah hian Fenerbahce leh Real Madrid te chu €20 million + add ons tlem in an inrem fel thei a, Fenerbahce lam hian sell on clause 20% nei ve bawk in Real in Guler hi club dang hnenah an hralhchhuak anih chuan an hralhna man atanga 20% lai chu Fenerbahce lamin an chang ve dawn a ni.
Guller an 2024 ah chauh Real Madrid a zawm dawn tih chu thu belhchian dawl lo mai a ni a, season thar atanga Los Blancos tana inlan tan tur anih avangin pre season pawh Real Madrid player dangte nen an hmang ho ang.
Turkish Messi tia hriat lar Guller hian Barcelona atang pawhin sawmna a dawng ngei a, amaherawhchu Camp Nou lam ai chuan Santiago Bernabeu lamin a lung a dum zawk a ni mahna, Real Madrid zawm turin thutlukna a siam fel.
Attacking midfield leh right wing a chhawr kawp theih Guller hian 2022/23 season khan Fenerbahce tan inelna hrang hrangah game 35 a inlan a, goal 6 leh assist vawi 4 thawkchhuak in a team chu league ah pahnihna niin season a khar fel pui.