Kan hriat angin Football hi khawvel infiamnaah chuan en hlawh ber pawl a ni. Khawvel ram hrang hrang atangin player tha tak tak an chhuak nual tawh a, lo la chhuak tur pawh an awm nual ang. Football-ah hian striker te hi an pawimawhna a sang ang reng a, game khelha goal khungtu ber anni.
Tunlai footballer-ah striker tha tamtak an awm a, chung zinga hlu zual Top 5 te chu kan rawn tarlang ve leh dawn a ni.
5 Lautaro Martinez (Inter Milan) — €80.00 million
Lautaro Martinez hi striker tha tak pakhat a ni, season hmasa lamah khan Romelu Lukaku te nen inkawpin Inter Milan chu kum 10 hnuah Serie A nomawi an chawi pui a nih kha. Season hmasa khan all competion-ah goal 19 lai khungin assist 11 a nei tling bawk.
2021 summer transfer window inhawn lai khan Lukaku leh Martinez hi Milan chhuahsan tur anga sawi anni a, Lukaku chuan a club hlui Chelsea a zawm, hetihlai hian Lautaro Martinez erawh Spurs nen sawi zawm ni mahse, Milan a chhuasan lo.
Tun season khelh mekah Milan tan game 11 khel tawhin goal 5 a khung mai bakah assist vawi khat a nei mek.
4 Romelu Lukaku (Chelsea) — €100.00 million
Season hmasa lamah khan Inter Milan tan Romelu Lukaku hi che tha viau mahse, Chelsea lamah duh angin hun a hmang thei bik lo. Mahse, Chelsea tan striker pawimawh tak niin, tun season Premiere League nomawi chawitu tura rinkai ber anni. Tuna a hlutna hi Million 100 lai a tling.
3 Harry Kane (Tottenham Hotspur) — €120.00 million
Harry Kane hian trophy pakhat pawh chawi lova goal khung hnem ber record a chelh mek. Goal khung thei viau mahse, trophy a chawi loh avangin a inchhuang ngam bik lovang. Harry Kane hlut zawng hi million 120 a ni.
Premiere League striker tha ber pakhat a ni, goal khung lamah chuan a duai lo hle.
2 Erling Haaland (Borussia Dortmund) — €150.00 million
Erling Haaland hi la naupang viau rih mahse, khawvel striker tha ber pakhat a ni. UEFA Champions League history-a goal 20 khung thei naupang ber leh goal 20 khung thei rang ber a ni. Tuna a hlutna hi Million150 lai a tling.
Tun season khelh mekah pawh games 6 a khelh tawh atang goal 9 lai a khung leh der tawh a, assist vawi 3 a nei tling mek bawk.
1 Kylian Mbappe (PSG) — €160.00 million
Tunlai football khawvela striker hlu ber a ni mek. Mbappe hi ala naupang a, hmalam hun eng tak nei a ni. TUna a hlutna chu million 160 lai a ni. A khelh tawh chinah record hrang hrang a siam nual tawh a record dang pawh la siam belh zel thei dinhmunah a ding mek.
Source SL