Tum summer transfer window-ah hian Barcelona pawh chet nat an tum ve duh niin a lang. Tunkar chhungin an player 3 lai mai an chhuak dert awh a ni.
Hetihlai hian Lionel Messi’an FC Barcelona lama contract a neih chu official takin a expire tawh a, free agent in a chhuak thei tawh dawn a ni. Mahse, club lamin kum 34 a upa hmalam hun chungchangah erawh eng thu mah an la chhuak lo.
Spain rama chanchinbu hrang hrang te chuan Ballon d’Or vawi 6 dawngtu Lionel Messi hi Barca-ah contract a pawtsei dawn niin an sawi hlawm.
Tunkara FC Barcelona chhuahsantu player 3 te zingah Lionel messi hi a la tel rih lova, mahse, season hmasa lama Copa de Rey winner erawh chhuak tawh zingah a tel.
French centre back Jean Clait Todibo chu Nice lamin €8.5 million lai main an la lut a, kum 2019 khan Barcelona a zawm a, mahse, senior team tan vawi 5 chiah a inlan thei a ni.
Tunah hian kum 21 chauhva upa niin a career-ah Toulouse, Schalke, Benfica, Nice leh Spanish club lian tan senior match 44 lai a khel tling tawh a ni.
Brazilian midfielder Matheus Fernandes pawhin tunkar chhungin Barca a chhuahsan ve bawk. Left back rawlthar Juan Miranda pawhin a nghetin Real Betis a zawm a ni.
Source SL