Kum 43 a upa nih thlenga professional football khelh theih chu thil danglam tak pakhat a ni. Real Madrid leh Bayern Munich player hlui Ze Roberto chuan Cristiano Ronaldo taksa aiin tunah hian ka taksa ala tha zawk tiin a sawi.
Real Madrid leh Bayern Munich player hlui Ze Roberto hian kum 2017 khan kum 43 a upa niin football a chawlhsan a, tunah hian kum 48 a upa a ni tawh. Real Madrid-ah khan Ronaldo Nazario te ho nen an lo khel ho tawh thin nghe nghe.
Instagram lamah a taksa tha tak leh pian nalh tak te chu post ve thin a, followers 2.3 million lai a nei mek. Roberto hian hriselna a ngaipawimawh hle a, workout routine mumal tak a nei bawk.
Ze Roberto hi Football lamah pawh a hlawhtling thawkhat viau a, Europe leh South America atanga a dawn trophy thahnem tak mai chu a cabinet-ah hmuh tur a awm nual a ni.
A ram Brazil tan kum 11 chhungin match 84 lai maiah a inlan ve a, football a khelh thin lai kha chuan wing back leh midfielder angin a khel thin.
Ze Roberto chuan Cristiano Ronaldo taksa aia a taksa that zawk thu a sawi chhuak a, a khelh theih thleng C Ronaldo hian a khel ve thei dawn em tiin a challenge nghe nghe. Kan sawi tawh angin Ze Roberto hian kum 43 a upa anih thlengin professional football a khel kan tih tawh kha.
“Vawiinah hian taksa tha tak ka nei, a chhan chu kum 43 a upa ka nih thleng football ka khel a ni. Ronaldo hian kum 43 a upa anih thleng football a khelh theih chuan keimah ang a ni tiin ka sawi thei ang.” tiin Ze Roberto chuan TYC ah a sawi chhuak.
Ze Roberto leh Cristiano Ronaldo hi Real Madrid tan an lo khel ve ve tawh a, C Ronaldo chuan Saudi Arabia club Al Nassr a zawm a, hetihlai hian Ze Roberto erawh chuan Qatari club Al Gharafa a zawm thung.
Ze Robeto hian Real Madrid chu UEFA Champions League nomawi leh La liga nomawi a chawi pui a, Bayern Munich tan German Cups leh Bundelsig nomawi a chawi pui bawk.
Cristiano Ronaldo hian football a chawlhsan hun tur dik tak ala sawi chhuak lova, Ze Roberto ang thovin 40s vel a khelh theih chu a rinawm.
SOurce DM