Kan hriat angin Manchester City hi tunlai football team tha ber pakhat anni mek a. A bik takin Pep Guardiola’an a enkawl hnu hian an hlauhawm zual a ni. Pep Guardiola hnuaiah trophy an chawi nual tawh a. Tun season-ah pawh hian an chawi lovang tih a sawi theih loh.
Tun season Premiere League khelh mekah an chawi leh thei a nih chuan, kum 5 chhungin Premiere League nomawi vawi 4 an chawi thei dawn tihna a nih chu, a pui khawp mai. Tunah hian Premiere League table hmahruaitu anni mek a, pahnihnaa awm Liverpool aiin point 9 in an sang fal mek.
Pep Guardiola hian Europe lamah pawh a chet that pui ang reng a, season hmasa khan a vawikhatna atan UEFA Champions League final thlen pui mahse, Chelsea lakah an tlawm ta zawk a ni. Kuminah pawh champion tura rinkai ber pakhat anni leh. Carabao Cup ah West Ham United lamin an pet tla a, FA Cup erawh an la khel thei rih.
Manchester City hian player tha tak tak an kawl fur a, tun tumah hian Manchester City player hlu zual leh an hlutna kan rawn tarlang ve leh e.
5 Ruben Dias – €75 million
4 Jack Grealish – €80 million
3 Raheem Sterling – €85 million
2 Phil Foden – €85 million
1 Kevin De Bruyne – €90 million
source Sl