Kan hriat angin kar liamta vel atang khan manager thenkhatte chu bantir an ni a, hetah hian Nuno Espirito Santos, Ronald Koeman leh Dean Smith te pawh an tel a ni. Tunlai football-ah chuan manager te hi an pawimawh em em a, result tha an hlawhchhuak theilo a nih chuan bantir anni thin.
Players te an chet chhiat viau hian manager tan chhuanlam ala awm thei a, mahse, result tha lo a hlawhchhuah pui chuan zel chuan a hmabak chu ban mai kha a ni. Tunlai football khawvelah hian Manchester United manager hlui Sir Alex Ferguson ang hi chu hmuh harsa tak ani ngei ang, kum tamtak chhung club pakhat a enkawl ngat ngat a ni. Mahse, Ferguson pawh hi Scottish club St. Mirren chuan an lo ban ve tawh tho mai.
Tun tumah hian Manager 5 ban la ni ve ngai lo te kan rawn tarlang ve leh dawn a ni.
5 Didier Deschamps
Didier Deschamps hi player leh manager anga FIFA World Cup nomawi chawi thei player 3 zinga pakhat a ni. Tuna manager ni mek atanga bantir la ni ve lo pakhat a ni bawk, kum 20 chhung managerial career hmang tawhin bantir ala ni ngai lo.
Frenchman hian Ligue 1 club AS Monaco lamah a vawi 2 na atan career a tan leh a. French League club, a chawi pui a a, Kum 2004 khan Monaco chu a vawikhatna atan UEFA Champions League final a luh pui bawk a ni.
Kum 2005 summer lai khan amahin a bansan a, kum khat a liam hmain Serie B club Juventus manager atan ruat leh a ni. Juventus chu Italy league sang ber khel turin a hlan kai pui. Hemi hnu rei vak lovah amah bawkin a bang leh.
Ligue 1 club Olympique Marseille enkawl tura a kir leh hnu khan Deschamp hi bantir a ni teuh hle. Season thum chhungin titles 6 lai a chawi pui a, Ligue 1 title pawh a chawi pui nghe nghe. 2011-12 season khan table-ah 10 na dinhmun a hauh pui a, ban teuh hle mahse, inthen hrang turin an inrem fel ta zawk a ni.
Tunah hian French national team manager angin a awm mek, French hi nomawi chawi pui leh thei tak ang maw.
4 Zinedine Zidane
Managerial career la hmang tam lo tak Zinedine Zidane hi Real Madrid history-ah manager hlawhtling tak pakhat a ni.
Real Madrid manager angin vawi 2 a lut a, hemi chhung hian title 11 lai a chawi pui hman a ni. Zidane’an trophy a chawi hi game 23 khelh pianga chawi ang a ni. A zawnin Khawvel coach tha ber nihna a hauh a, UEFA Champions League nomawi a zawna vawi 3 chawi thei manager awmchhun a ni.
Real Madrid senior team a enkawl chhungin match 263 a khelh pui tawh a, 66% lai hnehna a chang tihna a nih chu. Kum 29 a upa Zidane hian Real Madrid junior team pawh a enkawl bawk.
Ani pawh hi a managerial career-ah bantir ala ni lo, tunah hian Manchester United nena sawi zawm mek a ni a.
3 Diego Simeone
Diego Simeone ang hi tunlai football-ah hmuh tur an vang ta hle, kum 10 chhung teh meuh mai dinhmun sang tak hmangin Atletico Madrid hi alo enkawl tawh a ni.
Diego Simeone hi hai rual lovin Atletico Madrid leh Spanish football history-a manager ropui ber pakhat ni. Simeone hian Real Madrid leh Barcelona chu a el ber a, Atletico Madrid a enkawl chhung hian La Liga nomawi 2 a chawi pui tawh. 2013-14 season leh 2015-16 season khan UEFA Champions League final a thlen pui bawk.
Simeone hian Atletico Madrid chu match 544 lai mai a khelh pui tawh a, wins 324, draws 127 leh loss 93 a neih pui mek. Win record hi 60% a ni. Simone hian league hrang hrang pathumah manager angin match 749 khel tawhin ban ala ni ngai lo.
2 Jurgen Klopp
Klopp pawh hi ban ala ni ngai lo. Chutiang bawkin Manchester City manager nilai Pep Guardiola pawh hi ban ala ni bik lo.
1 Pep Guardiola
Source SL