Manchester City nena sawi zawm Tottenham Hotspur superstar Harry Kane chu sawi zawm anni a, mahse, Pep Guardiola chuan striker hrim hrim an lak theih loh tur thu a sawi.
Tun transfer window lo awm turah hian England captain Harry Kane chuan Lilywhites chhuahsan a tum niin sawi a tam hle a, amah la duh tur zingah hian club hrang hrang awm mahse, Man City an langsar hle.
Spurs lam hian an striker hi chhuah tir an tum tak tak a nih chuan a tlawm berah £100 million in hralh an tum dawn a, mahse, amah la theitu tur club an awm vak dawn lo niin a lang.
Man City nena sawi zawm player-ah chuan Kane hi a tha ber pawl ani a, mahse Pep Guardiola chuan Man City in Harry Kane hi an la lut thei dawn lo niin a sawi, a chhan chu club lamin sum lamah harsatna an tawh vangin.
“An man avangin, eng strikers mah kan la lut lovang.” tiin Pep Guardiola chuan Catalan network TV3 a hrilh.
“A theih loh tawp, kan tlin thei dawn lo”
“Tun angah chuan eng club pawhin sum lamah harsatna an tawk vek a, keini pawh kan bang chuang lo. Gabriel Jesus leh Ferran Torres kan nei a, an postion-ah an khel tha hle.”
“Academy lamah pawh rawlthar player tha tak tak kan nei bawk a, false nine in vawi tamtak kan khel tawh. Chance tha tamtak ala awm ang, season thar atan chuan striker kan la lut lovang.” tiin a sawi bawk.
Harry Kane’an Spurs tan a game hmasa ber a khelh atang khan match 336 khel tawhin goals 221 lai a khung tawh a ni. Mahse, major trophies engmah ala chawi thei bik rih lo.
Source SL