Premiere League lamah David de Gea hi Manchester United goalkeeper hlu tak pakhat a ni. Tun season khelh mekah Bruno Fernandes leh Cristiano Ronaldo kiangah De Gea hi Old Trafford player tha ber pakhat a ni ve a ni. Manchester United defender mawng pawp mahse, De Gea hian a theih ang tawkin alo dang ve nual.
Tun season Premiere League khelh mekah kum 31 a upa David de Gea hian vawi 80 lai mai saves a nei tawh a ni. Atletico Madrid shot stopper hlui hian Manchester United tan penalties vawi 3 a save bawk a, mahse, clean sheets erawh vawi 5 chiah ala nei thei rih.
Stats ang zawnga thlir chuan David de Gea hi Premiere League goalkeeper tha zingah a tel tawh lova. A aia che tha zawk goalkeeper 8 vel an awm ngei a rinawm.
Engpawhnise, tun season khelh meka De Gea ai clean sheet nei tam goalkeeper panga te kan rawn tarlang ve leh dawn a ni.
5 Jose Sa – 8 (Wolverhampton Wanderers)
Wolverhampton Wanderers goalkeeper thar Jose Sa hi tun season khelh mekah a che tha ang reng hle. Clean sheets vawi 8 a nei a, Manchester United lakah pawh clean sheet vawi khat a nei nghe nghe. A save percentage hi 84.8 niin, Premiere League lamah chuan sang ber ni lo mahse, Europe team tha goalkeeper tamtak aiin a tha zawk a ni.
Portuguese shot stopper hian saves vawi 67 a nei tling a, Premiere League season khelh meka save nei tam pathumna a ni. Kum 29 a upa hian match 21 a inlan atang goal 16 a chhuah.
4 Edouard Mendy – 8 (CHELSEA)
Chelsea goalkeeper Edouard Mendy pawh hian tun season khelh mekah clean sheet vawi 8 a nei tling a. Joe Sa ai hian game a khel tlem zawk. Kum 2021 chhunga a chet that em avangin The Best FIFA Goalkeeper Award hlan a ni.
Tunlai vel hian AFCON an khelh avangin Chelsea tan ala inlan thei rih lova. League leader Manchester City leh Brighton lakah point an hlauh ve ve a ni.
Mendy hian saves percentage 81 a nei.
3 Alisson Becker – 10 (Liverpool)
Liverpool goalkeeper Alisson Becker hi Premiere League goalkeeper tha ber anga sawi mek a ni. Manchester United goalkeeper De Gea aiin a let khatin clean a nei tam zawk tihna a nih chu.
Liverpool goalkeeper Alisson Becker hian match 20 a inlan atang goal 17 a chhuah a, hetihlaiin De Gea erawhin United tan games 22 a inlan atang goal 30 lai mai a luhtir thung.
The Best FIFA Goalkeeper award ah khan Edouard Mendy leh Gianluigi Donnarumma te nen nominated anni.
2 Aaron Ramsdale – 10 (Arsenal)
Alisson ang thovin Ramsdale hian tun season Premiere League khelh mekah clean sheet vawi 10 a nei tling ve a. Mahse, Alisson ai game a khelh tlem zawk avangin a rank hi a sang ve deuh.
Bournemouth shot stopper hlui hian tun season khelh mekah saves vawi 51 neiin, a percentage chu 80.9 vel a ni. Goal 16 chhuah tawhin, tun season Premiere League-a goalkeeper tha ber pakhat a ni.
1 Ederson Moraes – 12 (Manchester City)
Ederson Moraes hian tun season Premiere League khelh mekah clean sheets vawi 12 lai a nei tling a, nei tam ber a ni mek. Manchester United goalkeeper David De Gea ai vawi 7 lai mai clean sheet a nei tam zawk a ni. Kum 28 a upa hian season 2 liamta atang khan Premiere League Golden Glove a dawng char char rih a ni.
Save percentage chu 73.5 a ni.
Source SK