Premiere League hi khawvel league harsa ber leh en hlawh ber pakhat a ni. Kum 2, 3 liamta vel atang khan Europe lamah pawh hma an sawn hle a, kum 3 liamta chhunga UEFA CHampions league final 3 atang vawi 2 chu English club hnih ten an khel a ni.
Premiere League-ah hian khawvel player tha tamtak an khel nual
Premiere League-ah hian khawvel huap ang zawng pawhin club hausa an awm nuk a, an sum neih hmangin khawvel hmun hrang hrang atanga player tha an tih te an la lut a ni. Premiere League hian englai pawhin world class player te a kawl reng thin.
Manchester United, Liverpool, Arsenal, Manchester City, Chelsea leh Tottenham Hotspur te ang club hian player talent nei tha tak tak an kawl a ni.
Tun season Premiere League khelh meka Man of the Match award dawng hnem zual player 5 kan rawn tarland ve leh dawn a ni.
5 Jamie Vardy (Leicester City) – 5 man-of-the-match awards
2020-21 season ah khan Jamie Vardy hi a che ropui lem lo, season hmasa Premiere League-ah khan match 34 inlanin goal 15 a khung mai bakah assist vawi 9 a nei.
January 2021 ah khan kum 34 a tling ve chiah a, kum 34 a tlin hnu hian a rawn che tha chho hle. Tun season khelh mekah Leicester City tan Man of tha match vawi 5 a dawng tawh a ni.
League match 15 a inlan atang goal 9 khung tawhin assist a nei bawk.
4 Michail Antonio (West Ham United) – 5 man-of-the-match awards
Tun season khelh mekah West Ham United hi an che tha tak zet a. Season hmasa pawh khan Premiere League table-ah 6 na dinhmun an hauh pha a ni. Mahse, David Moyes leh a naute hi Season hmasa aiin tun season khelh mekah an chet hit zawk.
West Ham striker Michail Antonio hi season tan tirh vel khan a che tha hle a, a team te a puih nasa hle. Tun season khelh mekah Man of the Match vawi 5 a dawng tawh a ni. Premiere League khelh mekah match 16 inlan tawhin goal 6 a khung mai bakah assist vawi 4 a nei tling bawk.
3 Cristiano Ronaldo (Manchester United) – 5 man-of-the-match awards
Manchester United hian 2021-22 season bul an tan tha hle a, mahse, a hnu lawkah an rawn che chhe em em, hei vang hian an manager Ole Gunnar Solskjaer pawh an ban phah a ni.
Summer transfer lai khan Manchester United chuan an player hlui Cristiano Ronaldo chu Juventus atang an la lut a, Premiere League ah chauh ni lo, Champions League lamah pawh a che tha ang reng.
Cristiano Ronaldo goal kha awm lo se chuan UEFA Champions League group pawh United hian an paltlang kher lo maithei. Tun season Premiere League match khelhah pawh match 13 a inlan tawh a, goal 7 a khung mai bakah assist vawi 2 a nei tling mek.
Hei mai a ni lo kum 36 a upa C Ronaldo hian Premiere League man of the match vawi 5 a dawng ve tawh a ni.
2 Heung-Min Son (Tottenham Hotspur) – 6 man-of-the-match awards
Pundits tamtakin Tottenham Hotspur hi hniam lam an pan deuh tawh niin an sawi a. Englishman Harry Kane a che tha vak lo nen, hniam lam an pan deuh chuan a lang. Mahse, Heung-Min Son erawh player mal pawhin ala che tha ang reng hle.
TUn season khelh mekah Premiere League match 13 a khelh tawh atangin goal 6 a khung tawh a, assist vawi 2 a nei bawk. Hei mai bakah Man of the match award vawi 6 lai a dawng tawh.
1 Mohamed Salah (Liverpool) – 9 man-of-the-match awards
Tunlai footballer ah Mohamed Salah hi a che tha ber pawl a ni ngei ang. Goal khung lamah a duai lo hle a, hei mai bakah assist lamah pawh a sang hle.
Tun season Premiere League match 17 a inlan tawh atang goal 15 a khung a, assist vawi 9 a nei mek. Man of the match award vawi 9 dawng tawhin, Premiere League player dawng tam ber a ni mek.
Source SK