Tun Season khelh meka man of the match awards dawng hnem zual top 5 te

Season khata man of the match dawn tam hi player that leh that loh tehna pakhat a ni. Team tan an pawimawh zia a ti chiang a ni. Mi tamtak chu footballer tha leh tha lo chungchangah an inhnial thin a, tehfung atan an stats hi an hmang ve thin a ni. Entirnan, striker chu goal a khung theih dana teh thin a nih laiin, playmaker erawh assist a neih dan a zira khaikhin thin a ni.

Tun season (2021-22) a man of the match dawng tam zual player 5 te kan rawn tarlang ve leh dawn a ni.

Note: Heng kan rawn tarlan tak te hi Europe top five leagues atanga dawng hnem zualte kan rawn tarlang a ni.

5 Robert Lewandowski (Bayern Munich) – 8 man-of-the-match awards

1. FSV Mainz 05 v FC Bayern München - Bundesliga

Kan hriat angin Robert Lewandowski hi Europe-a striker tha ber pakhat anga sawi a ni. Goal khung lamah a duailo hle. Tun season khelh mek Bundesliga ah match 32 a khelh atang goal 34 a khung mai bakah assist vawi 2 a nei tling bawk. Mahse, tun season khelh zawh rual hian Bayern Munich chhuahsan a duh niin Sky Sport Germany in a tarlang. Contract a neih erawh 2023 summer transfer ah a zo dawn a ni.

Tun season Bundesliga khelh mekah man of the match vawi 8 a dawng a ni.

4 Domenico Berardi (Sassuolo) – 8 man-of-the-match awards

US Sassuolo v Atalanta BC - Serie A

Berardi hi 2021-22 season khelh mekah Sassuolo tan a khel tha ang reng hle a, Serie A match 30 a inlan atang goal 14 a khung mai bakah assist vawi 13 a nei tling a ni. Serie A man of the match vawi 8 a dawng tling bawk.

3 Christopher Nkunku (RB Leipzig) – 9 man-of-the-match awards

RB Leipzig v TSG Hoffenheim - Bundesliga

2021-22 season khelh mekah Christopher Nkunku hian hma a sawn hle. Season hmasa khan RB Leipzig tan all competion ah match 40 a khelh atang goal 7 leh assist 11 a nei tling a, tun season khelh mekah erawh all competion match 49 a khelh atang goal 32 a khung mai bakah assist vawi 20 lai a nei tling a ni. Tun season khelh mekah man of the match vawi 9 a dawng a ni.

2 Karim Benzema (Real Madrid) – 10 man-of-the-match awards

Real Madrid v Manchester City Semi Final Leg Two - UEFA Champions League

Tun season zet zawng Karim Benzema hi a che tha tak zet. Real Madrid chu La Liga nomawi a chawi pui tawh a, UEFA Champions League final an lut a, Liverpool nen an inhmachhawn bawk ang. Tun season khelh mekah man of the match vawi 10 a dawng tawh a ni.

1 Kylian Mbappe (Paris Saint-Germain) – 11 man-of-the-match awards

Real Madrid v Paris Saint-Germain: Round Of Sixteen Leg Two - UEFA Champions League

Europe top 5 league atanga man of the match dawng hnem ber a ni mek. vawi 11 lai a dawng a ni. Ligue 1 bikah match 35 a khelh atang goal 24 a khung a, assist vawi 15 a nei tling bawk.

Source SK

Related Posts

error: Content is protected !!