Tun tumah hian Europe top 5 league atanga player pahnih inkawpfuh zual top 5 te kan rawn tarlang ve leh dawn a ni.
5 Sheraldo Becker and Jordan (Union Berlin) — 9 goals
German club Union Berling hian Bundesliga season bul an rawn tan tha viau mai a. League match 7 an khelh tawh atang point 17 an hlawhchhuak tawh a, table hmahruaitu anni mek.
An player zawng zawng te an che tha ang reng hlawm a, mahse, a bik takin an attacking pahnih Sheraldo Becker leh Theoson-Jordon Siebatcheu an che tha hle a. Bundesliga bikah an pahnih goal khung belhkhawm chu goal 9 a tling. Becker hian match 7 atang goal 6 a khung a, Jordan hian match 6 a inlan atang goal 3 a khung ve bawk.
4 Robert Lewandowski and Ousmane Dembele (Barcelona) — 10 goals
July thla tawp khan Barcelona chuan Bayern Munich atang €45 million in Robert Lewandowski an la lut a. Camp Nou-ah hian a che tha nghal hle.
Heihlai hian winger Ousmane Demebel pawhin season bul a rawn tan tha ve viau. Frenchman hian tun summer transfer hma lawk khan kum 2 daih contract a pawtsei a, June 2024 thleng a awh ang..
La Liga bikah Robert Lewandowski leh Dembele goal khung belhkhawm chu goal 10 a tling. Lewandowski hian goal 8 a khung mek a, Dembele pawhin La Liga match 6 a inlan atang goal 2 a khung ve mek bawk. Barcelona goal khung zawng zawng 55% ah an inhnamhnawih tihna anih chu.
3 Terem Moffi and Dango Ouattara (FC Lorient) — 10 goals
Ligue 1-ah hian Paris Saint-Germain hian squad annei chhah ang reng a, Ligue 1 race-ah PSG hneh theitu tur team tlemte an awm. FC Lorient lam pawh tun season khelh mekah bul an rawn tan tha viau mai. Tun dinhmunah rih chuan Champions League spot-ah an awm mek a ni.
Ligue 1 table-ah FC Lorient hian pathumna dinhmun an hauh mek a. Goal pawh an khung hnem ang reng a, goal 17 an khung hem tawh mai, Ligue 1 club atanga goal khung tam ber dawttu anni mek bawk.
An attack pahnih Terem Moffi leh Dango Ouattara hi an che tha a, an goal khungtu ber anni mek. FC Lorient in goal 17 an khung atanga goal 10 hi an pahnih khung a ni. Moffi hian goal 6 a khung a, Ouattara hian goal 4 a khung ve bawk.
2 Erling Haaland and Bernardo Silva (Manchester City) — 13 goals
July thla khan Manchester City chuan Borussia Dortmund atang €60 million in Erling Haaland hi an la lut a, summer transfer-a player lak luh that ber pakhat a ni mek. Manchester City tan all competion ah match 10 a khelh tawh atang goal 14 lai a khung tling der tawh a.
Premiere League bikah Erling Haaland leh Bernardo Silva te goal khung belhkhawm chu goal 13 a tling a ni.
1 Kylian Mbappe and Neymar (Paris Saint-Germain) — 15 goals
Ligue bikah Mbappe leh Neymar goal khung belhkhawm chu goal 15 lai a tling. Neymar hian goal 8 a khung a, Mbappe’an goal 7 a khung ve bawk.
Source SK