A ram ang zawng pawhin England hian kum tamtak chhung chu world class midfielders tha tamtak an kawl fur a. Sir Bobby Charlton hunlai atang tawhin, Paul Scholes te pawh an tha hle a nih kha. Generation thar-ah pawh hian an duailo hle.
Tun tumah hian English midfielder tha zual Top 5 te kan rawn tarlang ve leh e.
5 James Ward-Prowse – Southampton
Southampton star James Ward-Prowse hi Premiere League midfielder tha ber pakhat a ni mek. The Saints academy atanga graduate niin, a khelhna pangai chu central midfielder a ni a, mahse, defensive emaw attacking role pawhin a khel thei tho mai.
4 Jude Bellingham – Borussia Dortmund
Bundesliga club lian Borussia Dortmund hian world class players an chher chhuak thei hle a. Central midfielder Jude Bellingham pawh hi an chher chhuah hnuhnung ber ti ila kan sawi sual awm love. Kum 2020 khan Birmingham City atang Borussia Dortmund hi a zawm a ni.
La naupang viau rih mahse, a kum ngaihtuah chuan a che tha tak zet a ni. Kumin June thle hian kum 19 a tling dawn chauh.
3 Phil Foden – Manchester City
Manchester City boss Pep Guardiola hi manager tha tak a nih rualin, a player lak luh duh te reng reng hi a khelh duh dan system a fit zel a la lut a, a la fuh thei bawk a ni. Phil Foden pawh hi a player lak luh fuh ber pakhat a ni.
2 Declan Rice – West Ham United
Tun season zet zawng West Ham United hi an che tha hle a, Premiere League top four race-ah pawh an ngaihtuahawm vak lo. An khelh tawh chinah club lian Liverpool, Chelsea leh Tottenham Hotspur te an hneh tawh a ni.
West Ham United hian Michael Antonio an chhawr hle a, goal a khung thei bawk, mahse, Rice erawh sawi hmaih theih rual a ni lo, goal assist tu ber a ni.
1 Mason Mount – Chelsea
Chelsea poster boy Mason Mount hi tun dinhmunah English midfielder tha ber anga sawi a ni mek. Stamford Bridge lamah hma a sawn hle a ni.
Kum 23 a upa Mason Mount hi a khelhna position pangai chu attacking midfielder a ni a, mahse, a tul chuan position dangah pawh a khel thei tho mai. Passing ah a tha a, defence lam a puih thei bawk, through balls velah a rinawm a, goal khung thei tak a ni bawk.
Source SK