”Trent hi England Cafu ani thei” – Lijnders

Liverpool right back Trent Alexander Arnold chu tun World Cup a khelhna hun tha pek anih chuan England Cafu anih theih tur thu Liverpool assistant manager Lijnders an a sawi.

Kum 23 chauh a upa la ni mahse Trent hian Liverpool ah club level a trophy chawi theih zawng zawng a chawi kim tawh a, season hmasa a Reds in trophy pali an chawi tep na kawngah pawh a thawhhlawk hle.

Trent hian season hmasa khan Reds tan match 44 inlan in goal 3 leh assist vawi 16 a thawkchhuak. A club Liverpool tana position nghet changtu hi a ram England tan erawh manager Southgate an a hman tam lutuk loh avangin a theihna tak tak phochhuah in a awm lo.

Lijnders erawh in an defender TAA chu World Cup a manager Southgate an hun tha a pek phawt anih chuan a thiamna leh theihna tak tak a phochhuah a rin thu sawiin, “Trent hian tun hnai kum a Liverpool in an elpui te an nawr na kawng tam takah a inrawlhthuk hle a, hun kal tawh a Cafu an Brazil tan a lo tih tawh ang khan. Trent hian Stadium mipui te leh kan hmuh loh thil te hmu phak in a thlir thiam thin hle a, a ram tana inkhelhna hun tha pek anih phawt chuan a theihna leh thiamna te phochhuah ani em em ang” a ti.

Liverpool hian tun season a an Premier League match hmasa ber tur chu naktuk tlailam dar 5 hian an khel dawn a, Premier League kaithar Fulham an hmachhawn ang. Hliam vangin an defender Ibrahim Konate erawh an chhawr thei lo thung dawn ani.

Related Posts

error: Content is protected !!