Transfer Windows XI-ah Erling Haaland a tello

Naktuk zan khian Manchester City chuan 2022-23 season atana Premiere League game hmasa ber an khel dawn a, an player lak luh thar Erling Haaland pawhin a game hmasa ber a khelh ngei rin a ni, a khelh lai enchak tamtak an awm ngei ang. Mahse, fans ten transfer XI-ah an la awmtir thei rih lo niin a lang.

Kan hriat angin Erling Haaland hian Manchester City a zawm hma hle a, tun summer transfer-a player confirm hmasak pawl a ni. Pep Guardiola’an League nomawi a chawipui hma atang tawh khan an lak luh thu an lo puang der tawh.

City tana a game hmasa ber Community Shield-ah khan goal khung lo mahse, khawvel striker tha ber pakhat anih zia chu hmuh tur leh hriattur tamtak a awm.

Naktuk zan dar 9 khian Manchester City chuan West Ham an hmachhawn dawn a, hetihlai hian West Ham lamin Norwegian goal khung theih lohna turin an lo inveng ve bawk ang, fans ten Fantasy Premiere League team lamah Erling’an goal khung ngei se tih chu an duh viau a rinawm.

Fantasy Premiere League lamah pawh dinhmun a luahtha hle, players 44% lai maiin an thlang a ni. Mahse, tun summer transfer XI-ah erawh a lang pha tlat lo mai.

Sky Sports chuan Transfer Windows XI team te a tarlang a, Chelsea player thar Raheem Sterling, Liverpool star Darwin Nunez leh Tottenham Hotspur lak luh Richarlison te chu a hma tlarah an awm a ni. A hnuaiah hian Transfer window XI te kan rawn tarlang ve leh e.

Source SB

Related Posts

error: Content is protected !!