Tun summer transfer window kar hmain kar khat bawr vel hun ala awm a, Manchester United chuan tun summer transfer window khar hmain, player pathum an la lut thut thei niin report in an tarlang, season khelh mekah an squad tih chak an tum ruh hle niin a lang.
Manchester United in Jadon Sancho leh Raphael Varane an la lut tawh a, tun season-ah hian trophy pakhat tal lak luh an tum ruh hle ang, Tom Heaton pawh tun windows ah hian United a pan tawh a, goalkeeper back up tur chauh a ni.
Tun transfer window hi August thla tawp rualin an khar ve nghal dawn a, an khar hma ngeiin Manchester United hian player dang an lak luh leh ngei a rinawm. An lak luh tum zingah hian Wolverhampton Wanderers leh Portugal defensive mifielder Ruben Neves chu a langsar hle.
Ruben Neves (Wolverhampton Wanderers)
Daily Express in an tarlan dan chuan Wolves lam hian an player kum 24 a upa man atan hian Pound maktaduai 40 (£40 million) vel an hauh niin an tarlang. Tunah hian kar khat vel chauh hun a awm tawh a, hemi chhung hian United lam chuan tlawm deuh hleka an lak theih an beisei niin an sawi.
Manchester United in Premiere League nomawi an chawi theihna turin Neves hi lak luh an tum dawn a, mahse, player dang pawh lak luh an tum tho niin an sawi, Stade Rennes star Eduardo Camavinga kum 18 a upa chuan 2021/22 season atan club chhuahsan a tum a, amah duhtu zingah hian Ole Gunnar leh Man Utd hi an langsar hle a ni.
Eduardo Camavinga (Stade Rennes)
An player lak luh tum pathumnaah hian Atletico Madrid star Kieran Trippier pawh a tel a, hetihlai hian mi thenkhat chuan Aaron Wan Bissaka a chet that tho avangin attack lam buai pui zawk se titu an awm ve nuk bawk.
Kieran Trippier (Atletico Madrid)
Source SL