Kan hriat angin thla leh atang Transfer window a inhawng dawn a, Liverpool leh Philippe Coutinho sawi zawm a ni a, Real Madrid captain Sergio Ramos, Bayern Munich hitman Robert Lewandowski leh Manchester City target harry Kane te transfer update kan rawn thailang ve leh dawn a ni.
Transfer window lo awm tur hi club lian thenkhatte an buai leh viau dawn a, a chhan chu player tha dang dang nena sawi zawm an ni.
Spanish chanchinbu pakhat AS tarlan dan chuan Barcelona in an playmaker Philippe Coutinho chu chhuahtir an tum niin an a tarlang, Coutinho hian hliam a neih vangin December thla atang khan football a khel leh tawh lo.
Kum 28 a upa Philippe Coutinho hian 2020/21 season-ah Barcelona tan all competion match 14 chiah a khel a ni. Report in an tarlan dan chuan Liverpool hian Coutinho hi lak let leh an duh niin an tarlang a, £40 million in an lak luh ngam thu an sawi.
Kum 2018 khan Coutinho chuan Liverpool chhuasanin FC Barcelona a pan a, Liverpool chuan an player hi lak let leh an duh. Kum 2013 atanga 18 thleng Liverpool tan a khel a, Liverpool player pawimawh tak pakhat a ni.
2019 Copa America winner hian Liverpool tan match 201 a khelh atangin goals 54 a khung mai bakah assist vawi 45 a nei tling.
ESPN in a tarlan dan chuan Los Blancos lama dinhmun chiang tawhlo Sergio Ramos chu club lamin kum 2 dang contract an offer niin an tarlang. Ramos hi 2020 UEFA European Championship squad-ah a tello a nih kha.
Pep Guardiola top target-ah Manchester City superstat Harry Kan hi a langsar hle. Daily Star in a sawi dan chuan Harry Kane an lak luh theihna tur a nih chuan Gabriel Jesus pek mai pawh an pawitilo niin a sawi.
Germany club Bayern star Lewndowski hi chhuak tur anga sawi a awm a, mahse Bayern-ah hian ala cham chhunzawm ang.
Source Sl