Real Madrid chuan Kylian Mbappé lakluh an tum ngawrh hle a, offer tha tak tak chhawp chhuah sak mah se, club lam nen an la in rem hlei thei lo. Spanish Club hian he Frenchman, kum 22 a upa tan hian Pound 190million lai theh chhuah an in huam tawh.
Chelsea pawhin Jules Koundé chu lakluh an tum ruh khawp mai a, Blues lam hian he France naupang tan hian Pound 68.5million lai theh chhuah an in huam ve bawk.
Borussia Dortmund chuan Portugal full back, Diego Dalot, kum 22 a upa chu Manchester United atang a lak tumin an bei ve mek bawk. Mahse, Diego Dalot hian Manchester United-a a hlim thu leh Ole Gunner Solskjær hnuai a khelh a la duh thu a sawi ve thung.
Manchester United chuan Athletico Madrid atang in English Full back, Kieran Trippier kum 30 a upa chu lakluh tum in an han bei ve leh hnuhnawh a, Spanish Club lam hian he English Full back leh Tottenham tan a lo khel reng tawh man ah hian Pound 34.3million vel lai mai an phut.
Crystal Palace chuan Celtic atang France striker Odsonne Odouard , 23, chu Pound 15million vela lei tumin an bei ve leh mek bawk. Crystal Palace tho hian Arsenal, English Striker Eddie Nketiah 22, chu lakluh tum a inbiakna an la kalpui reng thu report a awm bawk.
Wolves chuan Hwang Hee-Chan 25, chu RB Leipzig atang an lakluh fel tep tawh thu an puang. Hwang Hee-Chan hian hèltu a nei ve nual a, chung zingah chuan EPL Club tho West Ham leh Brighton te an awm a, Serie A lam atang Atalanta hian an sawm ve bawk niin thu thang a awm bawk.
Tottenham chuan Sergi Aurier hralh a, Barcelona Right Back, Emerson Royal kum 22 a upa chu lakluh an pawi ti lo niin report a awm.
Manchester United chuan Cristiono Ronaldo 36, chu Juventus atang Euro Maktaduai 15 in an lei fel a, hei bakah hian a khelh that dan a zirin Manchester United hian Euro Maktaduai 8 bawr vel pek belh theih turin inremna an ziak tel bawk. Ronaldo hian kar khatah £480,000 bawr vel a hlawh dawn a, English Premier League chanchin a hlawh hnem ber a ni dawn a ni.