Manchester United chuan Real Madrid midfielder Eduardo Camavinga lakluh nan £115 million an thehchhuak phal a, Erik Ten Hag chuan French international hi a midfield lai tichak zual tur atan a awt hle. Chutihrualin Madrid lam erawh in an midfielder kum 20 a upa hi chhuah an la phal lo thung. (Fichajes)
Erik Ten Hag hnuaia hmun chang tam lo Manchester United captain Harry Maguire chu Newcastle United in lâkluh an tum dawn. West Ham United lam pawh in English defender hi an iai lo bawk. (ESPN)
Paris Saint Germain chuan Newcastle United defender Sven Botman ah ngaihven mêk. Botman hian Ligue 1 lamah tawnhriat a lo nei tawh a, Lille kawr ha in a lo inkhel tawh thin. (iNews)
Real Madrid chuan France forward Kylian Mbappe lâkluh an duh avangin an forward kawllai Vinicius Jr chhuahtir an phal. Brazilian international leh Los Blancos lam hi contract thar chungchangah an la inbe rem thei lova, Vinicius hian Santiago Bernabeu ah kum 2024 June thla thleng bak contract a nei tawh lo. ( El Desmarque)
Eden Hazard chuan tun season tawp ruala Santiago Bernabeu chhuahsan tumna a nei lova, Real Madrid ah June 2024 thleng contract la nei in a contract hman zawh law law a duh. (Athletic)
Arsenal forward Reiss Nelson chu Ligue 1 club Nice mai bakah Premier League club Brighton & Hove Albion te’n an ngaihven mêk. Nelson hian 3-2 a Bournemouth laka Arsenal an comeback tumin chakna goal a khung a, a inlan tam loh ngaituaha goal khung thei tak Nelson hi club thenkhat te enthlak mêk a ni. (CBS Sports)
Bayern Munich chuan an player pawimawh pahnih Lucas Hernandez leh Jamal Musiala te chu contract thar an ziahpui hnai. (Fabrizio Romano)
Messi pa Jorge Messi leh Barcelona President Joan Laporta te chu Messi transfer chungchangah tun hnai mai khan an inhmu. Argentine captain hian Parc des Princes ah contract thar a ziak dawn em hriat a ni lova, Barcelona lamah a kir leh thut maithei. (GOAL)
