West Ham United midfielder Declan Rice chuan London Stadium ah June 2024 thleng bak contract a nei tawh lova, club lamin contract thar zawrh mahse sign tumna a nei lem lo. Kum 24 a upa hi Premier League club lian Manchester City, Arsenal, Liverpool leh Chelsea te nena sawizawm anni.

Hammers chuan an vice captain Declan Rice an nipui bazar a club dang a pan dawn anih chuan a manah pound 100 million an beisei dawn a, chu chuan British record transfer fee a hnaih thuak tihna a ni.Premier League champion Manchester City chu Declan Rice lalut tura rinkai ber anni bawk.

Manchester City chuan nipui bazar inhawn hunah an player pathum Bernardo Silva, Kalvin Phillips leh Ilkay Gundogan te chhuahtir an pawi ti dawn lo. Portuguese playmaker Bernardo Silva manah City chuan pound 70 million an chhiar dawn nia sawi a ni a, Barca lamin lakluh tumin tan an la leh dawn.

Bayern Munich chuan an striker tun season bak Allianz Arena a contract nei tawh lo Eric Maxim Choupo-Moting chu kumkhat dang la cham tura contract ziahpui an duh a, a hlawh tur pawh kumkhat chhungin euro 5-10 million bakah bonus thlenga pek tel an inhuam. Cameroon international Choupo Moting hi a hma lamin Tottenham Hotspur leh Manchester United te nena sawizawm an lo ni tawh.

Manchester City tana match start tam lo Julian Alavrez chu club ah a hlim lova, Spanish club lian pahnih Barcelona leh Real Madrid te chuan Argentine striker hi lakluh tumin an ngaihven mek.

European champion Real Madrid chuan Benfica a kum 2027 thleng contract la nei tu kum 19 chauh a la up Antonio Silva lakluh an duh.

Manchester United leh Atletico Madrid te chuan a contract a euro 12 million release clause nei Paulo Dybala lakluh tumin an inchuh dawn.

Lyon midfielder Houssem Aouar chuan Manchester United atanga sawmna a dawn hnawlin Bundesliga club Eintracht Frankfurt lam pan a duh zawk.

Serie A club Napoli chuan Chelsea leh Newcastle United te lakluh tum an player Khvicha Kvaratskhelia chu kum 2028 thleng a contract pawhsei tumin tan an la mek.

error: Content is protected !!