Barcelona chuan Manchester City star Bernardo Silva lâkluh ngei an tum avangin an midfielder Frenkie De Jong chu Manchester City lama kaltir mai an rilrûk. (Mirror)
Harry Kane an Tottenham Hotspur chhuahsan ngei a duh tih an hriat chian hunah Paris Saint Germain chuan England captain hi lâkluh an tum dawn. (Times)
Paris Saint Germain chuan PSV atangin Xavi Simons an lalet a, a release clause euro 6 million an petla. PSG hian an forward Mbappe emaw Neymar an chân chuan Simons hi an kawl chhunzawm dawn a, an chân lo anih chuan loan in Simons hi an chhuahtir ang. (Fabrizio Romano)
Paris Saint Germain in Tottenham Hotspur striker Harry Kane an lâkluh theihloh chuan Juventus striker Dusan Vlahovic lâkluh an tum ang. (Rude Galetti)
Barcelona chuan Spanish rawlthar Marc Jurado transfer chungchangah Manchester United nen an inbe mêk. (Sun)
Jordan Henderson chuan mimal thilah Al Ettifaq nen inremna an nei fel tawh a, amaherawhchu player man chungchangah Liverpool leh Al Ettifaq te an la inrem thei mai lo thung. (Fabrizio Romano)
Brighton boss Roberto De Zerbi chuan Chelsea nena sawizawm lai mêk Moses Caicedo chu pre season tour nei tur team squad ah a telh dawn. (Mail)
Marseille a zawm theihnan Chelsea star Pierre Emerick Aubameyang chuan a hlawh tihhniam a remti. (Goal)
Transfer chungchangah Juventus a lo biak avangin Inter Milan chuan season hmasaa loan a an kawl Romelu Lukaku chu ngaihven zel an tum tawh lova, Arsenal striker Folarin Balogun lam an hawi ang. (Sky Sports Italia)
Chelsea striker Romelu Lukaku chuan kumin nipui bazar hian Juventus emaw Saudi Arabian club a zawm hmel ber. (Fabrizio Romano)
Declan Rice an hralh fel hnuin West Ham United chuan an defense lam thawmtha turin Manchester United captain Harry Maguire chu loan a hawh an tum dawn. (Daily Mail)
Juventus chuan Barcelona midfielder Frank Kessie lâkluh tumin tan an la mêk. (Fabrizio Romano)