Real Madrid chuan nakkumah Kylian Mbappe chu free agent a sign a kum 5 chhung daih tur contract ziahpui an duh a, season khata a hlawh tur zat pawh €50 million pek an inhuam. PSG erawh in an forward hi kumina hralhchhuah an duh thung a, a hralhna man atanga sum tam tak hailuh an rilruk. (Cadena Ser)
Manchester United chuan Inter Milan atanga Andre Onana an lakluh theihloh chuan Brentford goalkeeper David Raya emaw Feyenoord goalkeeper Justin Bijlow lam an hawi ang. (Sky Sports)
Red Devils chuan transfer bazara sum hman tur an neih tam deuh theihnan an player kawllai thenkhatr Harry Maguire, Alex Telles, Eric Bailly, Scott McTominay leh Brandon Williams te chu kumin nipui bazara hralhchhuah an duh. (Mirror)
Season thara UEFA Champions League khel tura Manchester United an inpettlin avangin club captain Harry Maguire hlawh a pung a, hei hian hralhchhuah mai a ti harsa zual sawt. (Guardian)
Athletico Paranaense chuan Vitor Roque transfer chungchanga lehkha pawimawh zawng zawng te chu darkar 24 ral hma ngei in Barcelona lamin lo theh lut fel se an duh. Brazilian rawlthar manah hian Barca leh Paranaense te an inrem tawh a, chutihrual chuan Premier League club thenkhar te’n Vitor Roque in an la ngaihven reng. (Mundo deportivo)
Season thara UEFA Champions League khel tur Newcastle United chuan player tawnhriat ngah an mamawh tih hria in Juventus centre back kum 36 a upa Leandro Bonucci lakluh an tum thut maithei. (Team talk)
Chelsea, Arsenal leh Liverpool te duhrawn Romeo Lavia manah Southampton lam chuan £50 million an chhiar. Lavia hi City chuan laklet theihna dan an nei a, amaherawhchu nakkum 2024 atang chauh in a ni ang. (Sky Sports)
Manchester City rawlthar Shea Charles chuan Southampton a zawm dawn a, a manah Saints chuan £11 million an inseng ang. (Mail)