Brighton goalkeeper Robert Sanchez chu Manchester United goalkeeper ngaihven zingah a tel thar. Spanish goalkeeper hi Brighton boss Roberto De Zerbi hnuaiah a tlatlum lova, Seagulls in Anderlecht atangin Bart Verbruggen an sign tawh bawk nen, Sanchez hi an hralh phal ngei ang. (Daily Mail)
Man Utd chuan Inter Milan goalkeeper Andre Onana man tur official bid hmasa ber €45 million leh add ons tlem an theh lut dawn a, Inter lam chuan Cameroon international manah hian €60 million an beisei thung. (Fabrizio Romano)
Arsenal leh West Ham United te’n Declan Rice manah £105 million a an inrem hnuin England international hian tunkar tawp lamah medical test a nei ang. (Athletic)
Manchester City chuan Frenkie De Jong lakluh tumin tan an la dawn a, kum 26 a upa manah hian Cityzens chuan €110 million an theh chhuak ngam. Treble winning team hian an captain Ilkay Gundogan chu Barcelona lakah an lo chan tawh a, kum 32 a upa German international hian free agent in Spanish club hi a zawm a ni. (Fichajes)
Barcelona leh Athletico Paranaense te chu Vitor Roque transfer chungchangah inremna an nei fel tawh a, Brazilian rawlthar kum 18 a upa hian nakkum January thla atangin Barca first team te a zawm tan ang. (Fabrizio Romano)
Striker thar zawng mek Real Madrid chuan Inter Milan hnenah Argentine international Lautaro Martinez an chhiarna man zat an zawt. (SPORT)
Chelsea in an academy graduate Southampton tana khel mek Tino Livarmento chu lakkir duh mahse a player berin season tharah pawh Saints tana la khelh chhunzawm rih a thlang. Newcastle United pawh in kum 20 a upa English right back hi an enthla mek. (Evening Standard)
Southampton manager thar Russesll Martin chuan Saints chu Championship lama an tlakthlak miau avangin an player tha thenkhat te chu chelhbeh an har tur thu a sawi a, entirnan; Romeo Lavia te chu Premier League club lian thenkhat Chelsea, Arsenal leh Liverpool te nena sawizawm mêk niin kuminah Belgium international hian St Mary’s stadium a chhuah ngei hmel. (BBC Radio)
Tottenham Hotspur striker Harry Kane chuan kumin May thla daih tawh khan Bayern Munich zawm tura Germany manager Thomas Tuchel sawmna a lo pawm tawh. (BILD)