Manchester United chuan Andre Onana lakluh an tumna kawng ah elpui an nei dawn a, chu chu Al Nassr anni. Ronaldo khelhna club hian Onana agent chu transfer chungchangah an be pawp tawh. (CBS)
Manchester United chuan striker thar lakluh tumin theihtawp an chhuah mek a, tun dinhmunah Frankfurt striker Randal Kolo Muani leh Atalanta striker Rasmus Hojlund te chu an top target te anni. (Daily Mail)
Kylian Mbappe chuan nakkum nghah thlen ngai lova kumin chhung ngeia Real Madrid zawm a duh a, amaherawhchu PSG in an forward man an chhiar to em avangin Real tan Mbappe sign mai hi thil awlsam a ni lo. (ESPN)
Harry Kane man tura an bid theh luh hmasa ber hnawl anih hnuin Bayern Munich chuan bid thar theh luh leh tumin an inbuatsaih mek a, club Chairman Karl-Heinz Rummenigge pawh Kane transfer buaipui in a buai chho map map hle. (Sky Sports)
Southampton midfielder Romeo Lavia sign turin Liverpool dinhmun a tha ber mek a, Belgium rawlthar hi Chelsea nen pawha sawizawm anni ve bawk, (TalkSPORT)
Arsenal lam pawhin Declan Rice an sign fel hnuah Romeo Lavia lakluh tumin tan an la chhunzawm ang. (The Times)
Barcelona chuan an player hlui tuna Girona tana khel mek Oriol Romeu chu lakkir leh dan an ngaituah mek a, kum 31 a upa Spanish international hian release clause euro 10 million chauh neiin Barca chuan Sergio Busquets thlaktu tura sign an duh. (SPORT)
Paris Saint Germain chuan Premier League club lian Chelsea, Liverpool leh Manchester City te hmakhalha Celta Vigo midfielder Gabri Veiga lakluh an tum dawn. (Guardian)
Tottenham Hotspur chuan tun atanga ni reilote hnuah Wolfsburg atangin Dutch centre back kum 22 mi Micky Van de Ven chu pound 30 million a an sign thuai an beisei. (Daily Mirror)