Paris Saint Germain chuan an hmatawng thawmthat an duh a, nipui transfer bazar inhawn hunah Manchester City striker Erling Haaland lakluh an tum ang. Norwegian striker hian season kal mek ah Cityzens tan game 35 a inlan atangin goal 34 a khung tawh. [RMC Sport]
Paris Saint Germain chuan an hmatawngah Kylian Mbappe leh Erling Haaland te chu inkawp turin duh viau mahse French international hian Real Madrid lam pan a rilruk mek. [Marca]
Manchester United chuan Tottenham striker Harry Kane chu nipui bazar inhawn hunah British footballer man to ber ni tura lakluh an duh. Kum 29 a upa hian Tottenham Hotspur Stadium ah kum 2024 thleng bak contract a nei tawh lo. [Daily Mirror]
West Ham United chuan Harry Maguire lakluh duh viau mahse Manchester United a a hlawh zat pek theih an inhuam lo. English international hian Old Trafford ah kartin pound 2,00,000 a hlawh. [Football Insider]
Manchester City chuan an Portuguese midfielder Bernardo Silva manah pound 70 million lai an chhiar avangin sum lama talbuai ve tak Barcelona chuan ngaihsak zel an tum tawh lo. [Mundo Deportivo]
Newcastle United a contract thar ziak hnai Bruno Guimaraes chu hun rei tak chhung Real Madrid player ngaihven a ni. [Daily Telegraph]
Real Madrid player ngaihven dang leh chu Tottenham Hotspur forward Richarlison a ni. Brazilian forward hian ni tlem te liamta khan Spurs tana a season khatna chu chhe tak a nih thu a sawi. [AS]
Chelsea lamin contract thar zawrh mahse Mason Mount chuan tun thlengin sign tumna a la nei lova, hetiang anih takah chuan Premier League club dang pahnih Newcastle United leh Liverpool te chuan English attacking midfielder hi an ngaihven hle. [Daily Mail]
Newcastle United, Paris Saint Germain leh Arsenal te chuan Bayer Leverkusen forward Moussa Diaby lakluh tumin an inchuh dawn. [Fabrizio Romano]
Barcelona lam an inhnukdawk avangin Bayern Munich chuan free transfer in Borussia Monchengladbach forward Marcus Thuram lakluh an tum ang.